யூனியன் பேங்க் ஆஃப் இந்தியாவில் 1865 அப்ரண்டிஸ் பணியிடவாய்ப்பு!

பொதுத்துறை வங்கிகளில் ஒன்றான யூனியன் பேங்க் ஆஃப் இந்தியாவில் (Union Bank of India) அப்ரண்டிஸ் பயிற்சி பணியிடங்களை நிரப்புவதற்கான வேலைவாய்ப்பு அறிவிப்பு வெளியிடப்பட்டுள்ளது. இந்தியா முழுவதும் மொத்தம் 1865 பணியிடங்கள் நிரப்பப்பட உள்ளன. இதில் தமிழகத்தில் 95 பணியிடங்கள் நிரப்பப்பட உள்ளன. வங்கித் துறையில் கால்பதிக்க விரும்பும் பட்டதாரி இளைஞர்களுக்கு இது ஒரு சிறந்த வாய்ப்பாகும்.

பணியின் விவரங்கள்

இந்த அறிவிப்பின்படி தேர்வு செய்யப்படும் விண்ணப்பதாரர்கள் ஓராண்டு காலத்திற்கு அப்ரண்டிஸ் பயிற்சி பெறுவார்கள். பயிற்சி காலத்தில் அவர்களுக்கு வங்கிக் கிளைகள் அமைந்துள்ள இடத்தைப் பொறுத்து ஊக்கத்தொகை வழங்கப்படும்.

• பயிற்சி காலம்: 1 வருடம்.

• ஊக்கத்தொகை (Stipend): * கிராமப்புறம்/நகர்ப்புறத்தை ஒட்டிய பகுதிகள்: ரூ. 15,000.

  • நகர்ப்புறம்: ரூ. 18,000.

  • பெருநகரங்கள் (Metro): ரூ. 20,000.

தகுதிகள்

• கல்வித் தகுதி: அங்கீகரிக்கப்பட்ட பல்கலைக்கழகத்தில் ஏதேனும் ஒரு இளங்கலைப் பட்டப்படிப்பு (Any Degree) முடித்திருக்க வேண்டும். (குறிப்பு: 01.04.2022-க்கு பிறகு பட்டம் பெற்றவர்கள் முன்னுரிமை பெறலாம்).

• வயது வரம்பு (01.04.2026 அன்று): 20 வயது முதல் 28 வயதுக்குள் இருக்க வேண்டும்.

  • எஸ்.சி/ எஸ்.டி பிரிவினருக்கு: 5 ஆண்டுகள் தளர்வு.

  • ஓ.பி.சி பிரிவினருக்கு: 3 ஆண்டுகள் தளர்வு.

  • மாற்றுத்திறனாளிகளுக்கு: 10 ஆண்டுகள் வரை தளர்வு உண்டு.

தேர்வு செய்யப்படும் முறை

விண்ணப்பதாரர்கள் ஆன்லைன் எழுத்துத் தேர்வு (Online Examination) அடிப்படையில் தேர்வு செய்யப்படுவார்கள். இத்தேர்வு 100 மதிப்பெண்களுக்கு 60 நிமிடங்கள் நடைபெறும்.

• பாடத்திட்டம்: பொது அறிவு/வங்கி விழிப்புணர்வு, ஆங்கிலம், கணிதம் மற்றும் திறனறி (Reasoning), கணினி அறிவு மற்றும் வங்கியின் சேவைகள் குறித்த கேள்விகள் என 5 பிரிவுகளாகக் கேட்கப்படும்.

• எழுத்துத் தேர்வுக்குப் பிறகு உள்ளூர் மொழித் தகுதித் தேர்வு (Language Proficiency Test) நடத்தப்படும்.

விண்ணப்பிக்கும் முறை

தகுதியுள்ள விண்ணப்பதாரர்கள் 19.05.2026-க்குள் ஆன்லைன் மூலம் விண்ணப்பிக்க வேண்டும்.

• இணையதளம்: https://nats.education.gov.in/ அல்லது வங்கியின் அதிகாரப்பூர்வ இணையதளம் மூலம் விண்ணப்பிக்கலாம்.

• விண்ணப்பக் கட்டணம்:

  • பொது/OBC பிரிவினர்: ரூ. 800.

  • SC/ST மற்றும் பெண்கள்: ரூ. 600.

  • மாற்றுத்திறனாளிகள்: ரூ. 400.

வங்கித் துறையில் அனுபவம் பெற விரும்பும் தகுதியான நபர்கள் இந்த வாய்ப்பைப் பயன்படுத்தி கடைசி தேதிக்கு முன்னதாகவே விண்ணப்பிக்குமாறு கேட்டுக் கொள்ளப்படுகிறார்கள்.