தமிழக அரசு கலை மற்றும் அறிவியல் கல்லூரி மாணவர் சேர்க்கை தொடங்கிடுச்சு!

தமிழ்நாடு அரசின் கீழ் இயங்கும் கலை மற்றும் அறிவியல் கல்லூரிகளில் 2025-26 கல்வி ஆண்டுக்கான மாணவர் சேர்க்கை (TNGASA 2025 Registration) ஆன்லைன் விண்ணப்பம் இன்று (மே 7) முதல் தொடங்கியுள்ளது. தமிழ்நாடு முழுவதும் உள்ள 176 அரசு கலை மற்றும் கல்லூரிகளுக்கு மாணவர்கள் விண்ணப்பிக்கலாம்.

12-ம் வகுப்பிற்கு பின்னர் மாணவர்கள் உயர்கல்வியில் அரசு கல்லூரிகளில் எளிமையாக சேரும் வகையில் ஒருங்கிணைந்த ஆன்லைன் விண்ணப்பம் பெறப்பட்டு, கலந்தாய்வின் மூலம் மாணவர் சேர்க்கை நடைபெறுகிறது. அந்த வகையில், தமிழ்நாடு முழுவதும் உள்ள 176 கல்லூரிகளில் உள்ள இளங்கலை படிப்புகளில் சேர 2025-ம் ஆண்டுக்கான ஆன்லைன் விண்ணப்பம் இன்று (மே 7) முதல் தொடங்கியுள்ளது.

ஆன்லைன் வழியாக விண்ணப்பிப்பது எப்படி?

தமிழ்நாடு அரசின் https://www.tngasa.in/ என்ற ஆன்லைன் இணையதளம் மூலம் ஆன்லைன் வழியாக பதிவு செய்து மாணவர்கள் விண்ணப்பிக்க வேண்டும். முகப்பு பக்கத்தில் கொடுக்கப்பட்டுள்ள் Click here for new UG Registration என்ற இணைப்பின் மூலம் விண்ணப்பிக்க வேண்டும். விண்ணப்பிப்பதற்கு முன்பு இந்த இணையதளத்தில் கொடுக்கப்பட்டுள்ள வழிமுறைகளை படித்து பின்னர் விண்ணப்பிக்கவும். மாணவர்கள் தாங்கள் விரும்பும் கல்லூரி, படிப்புகளை 10 வரை தேர்வு செய்யலாம்.

நாடு முழுவதும் உள்ள அரசு கல்லூரி விவரங்கள், அங்கு வழங்கப்படும் படிப்புகள் குறித்த விவரங்கள் இணையதளத்தில் வெளியிடப்பட்டுள்ளது. 12-ம் வகுப்பு பொதுத் தேர்வு முடிவுகள் மே 8-ம் தேதி வெளியாக உள்ள நிலையில், மாணவர்கள் அரசு கல்லூரிகளில் B.A, B.Sc, BBA,BCA ஆகிய இளங்கலை பட்டப்படிப்புகளில் சேர ஆன்லைன் வழியாக விண்ணப்பிக்கலாம்.

தமிழ்நாடு அரசின் 176 கலை மற்றும் அறிவியல் கல்லூரிகளின் லிஸ்ட் பார்க்க இங்கே கிளிக் செய்யவும்.

இளங்கலை படிப்பு மாணவர் கையேடு 2025 பதிவிறக்கம் செய்ய இங்கே கிளிக் செய்யவும்.

விண்ணப்ப பதிவு கட்டணம்

அரசு கலை மற்றும் அறிவியல் கல்லூரிகளுக்கு விண்ணப்பிக்க விரும்புகிறவர்கள் ரூ.50 செலுத்த வேண்டும். எஸ்சி, எஸ்சிஏ மற்றும் எஸ்டி பிரிவினர் ரூ.2 செலுத்த வேண்டும்.

தேவையான ஆவணங்கள்

மாணவர்/ மாணவி பெயர், மொபைல் எண், இமெயில் முகவரி ஆகியவை விண்ணப்பப்பதிவிற்கு அவசியமாகும்.
வகுப்புப்பிரிவு சான்றிதழ்
சிறப்புப் பிரிவு சான்றிதழ்
அரசு பள்ளிகளில் படித்த மாணவர்களுக்கான உறுதி சான்றிதழ்
கல்வி மேலாண்மை தகவல் மைய எண் (EMIS number)
ஆதார் எண்
குடும்ப வருமானம் சான்றிதழ்
6 முதல் 12-ம் வகுப்பு வரை படித்த பள்ளி விவரங்கள்
10 மற்றும் 12-ம் வகுப்பு மதிப்பெண்கள்

முக்கிய நாட்கள்

விண்ணப்பம் பதிவு தொடங்கும் நா 07.05.2025

விண்ணப்பம் பதிவு கடைசி நாள் 27.05.2025

தமிழ்நாடு அரசு கலை மற்றும் அறிவியல் கல்லுரிகளில் 2025-ம் ஆண்டுக்கான மாணவர்கள் சேர்க்கைக்கு விண்ணப்பிக்கும் மாணவர்களின் மதிப்பெண்கள் அடிப்படையில் அவர்கள் விருப்பப்படும் கல்லூரிகளில் உள்ள இடங்கள் ஒதுக்கப்படும். அதனைத்தொடர்ந்து, மாணவர்கள் நேரடியாக கல்லூரிகளில் சென்று சேர்க்கையை உறுதிபடுத்த வேண்டும்.