பன்னாட்டு குழந்தைகள் நாள்: குழந்தைகளின் உரிமைகளுக்கான உலகளாவிய குரல்!

குழந்தைகள் என்றதும் நமக்கு முதலில ஞாபகம் வருவது அவர்களுடைய வெள்ளை மனசுதான். எந்தக் கவலையுமே இல்லாமல் ஆடிப்பாடி, சிரித்து, விளையாடித் திரியும் அந்தப் பருவம்தான். ஆனால், இப்போதைய குழந்தைகளுக்கு ஏற்படும் அவல நிலையை காணும்போது மனது பதைக்கிறது. ஒவ்வொரு நாளும் குழந்தைகள் சிதைக்கப்படுவதும், ஆண் குழந்தை மோகத்தால், பெண்குழந்தைகளைக் கருவிலேயே அழிப்பது. இது போக ஊட்டச் சத்துக் குறைபாட்டால் இறந்து பிறத்தல், சரியான எடையில் பிறக்காமல் இருத்தல், பிறந்த குழந்தைகளும் தாக்குப் பிடிக்க முடியாமல் சின்ன வயசுலயே இறந்து விடுகிறது. குழந்தைகள் மீது நடத்தப்படுகிற வன்முறைகள் என்று எவ்வளவோ இருக்கின்றன.இதையும் மீறி அவர்கள் வளர்வதற்குள் பிரிகேஜி என்ற பெயரில் அவர்களை பள்ளியில் சேர்த்து விடுகிறோம். அதிலிருந்து கொடுமையானது அவர்கள் வேலைக்கு போகும் வரையில் தொடர்கிறது. படிப்பு என்ற பெயரில் ஒரு பெரிய மூட்டையை தோள்களில் தூக்கித் தூக்கி சிறுவயதிலேயே முதுகு வளைந்து போகிறது. அத்துடன் தோள்பட்டைகள் பாதிக்கப்பட்டு குழந்தைகளின் வளர்ச்சி கெடுகிறது. இதை அடுத்து ‘டிவி’, கம்ப்யூட்டர் என்ற அரக்கன் சிறு வயதிலேயே குழந்தைகள் கெட்டுப்போகும் படியான அருவருப்புகளை போட்டு சிறு வயதிலேயே அவர்கள் கெட்டுப் போவதற்கான அத்தனை வழிகளையும் கற்றுக் கொடுத்து விடுகின்றன. இதனால் மைனர் குற்றவாளிகள் என்ற பெயரில் அநேக சிறுவர்கள், சீர்த்திருத்த ஜெயிலுக்கு போக வேண்டிய சூழ்நிலை உருவாகிறது. இதற்கெல்லாம் நம்ம கூட்டுக் குடும்ப கலாசாரம் அழிஞ்சிட்டு வருவதும், பள்ளியில் நடத்தப்படும் நீதி போதனை வகுப்புகள் நடப்பதில்லை என்பதும் ஒரு முக்கியக் காரணம். அந்த வகுப்புகளுக்கான நேரத்தையும், உடற்பயிற்சி வகுப்புகளுக்கான நேரத்தையும், மத்த பாடங்களுக்கான ஆசிரியர்கள் எடுத்து கொள்வதுதான் இப்போதெல்லாம் நடக்கிறது. இன்றைய குழந்தைகளோடு குழந்தைப் பருவம் வகுப்பறையில் கரும்பலகை முன்னாடியும், அதன்பிறகு தொலைக்காட்சி அல்லது கணினி முன்பாக கழிகிறது. இதை எல்லாம் யோசித்து அலசி மாற்றம் காணும் நோக்கில்தான் ஒவ்வோர் ஆண்டும் ஜூன் 1 அன்று உலகம் முழுவதும் பன்னாட்டு குழந்தைகள் நாள் கொண்டாடப்படுகிறது. ஒவ்வொரு நாடுகளும் வெவ்வேறு தினங்களில் இத்தினத்தை கொண்டாடுகின்றன. ஒவ்வொரு ஆண்டும் நவம்பர் 14ஆம் நாள் இந்தியாவில் குழந்தைகள் நாளாக கொண்டாடப்படுகிறது. இலங்கையில் அக்டோபர் 1ஆம் திகதி இத்தினம் கொண்டாப்படுகின்றது. பன்னாட்டு குழந்தைகள் நாளை டிசம்பர் 14, 1954 இலிருந்து, ஐக்கிய நாடுகள் மற்றும் யுனிசெஃப் அமைப்புகள் ஆண்டு தோறும் நவம்பர் 20 அன்று கொண்டாடுகின்றன. ஆனாலும் இது வெறும் ஒரு கொண்டாட்டம் மட்டுமல்ல; குழந்தைகளின் உரிமைகளை அங்கீகரிப்பதற்கும், அவர்களுக்குப் பாதுகாப்பான மற்றும் ஆரோக்கியமான எதிர்காலத்தை உறுதி செய்வதற்கும் உலகளாவிய அளவில் உறுதிபூண்டுள்ள ஒரு முக்கியமான நாள். இந்தக் கட்டுரை பன்னாட்டு குழந்தைகள் நாளின் முக்கியத்துவம், அதன் வரலாறு மற்றும் குழந்தைகளின் உரிமைகளைப் பாதுகாப்பதில் அதன் பங்கு குறித்து விவாதிக்கிறது.

வரலாற்றுப் பின்னணி:

பன்னாட்டு குழந்தைகள் நாள் கொண்டாடப்படுவதற்குப் பல முக்கிய நிகழ்வுகள் வழிவகுத்தன. 1856 ஆம் ஆண்டு ஜூன் மாதம் சார்லஸ் லியோனட் என்ற பாதிரியாரால் குழந்தைகள் தினம் தொடங்கப்பட்டது .இந்த நாள் பூக்கள் ஞாயிறு என்று கூறப்பட்டு வந்தது .பின்பு குழந்தைகள் நாள் என கொண்டாடப்படுகிறது.ஆரம்பகாலங்களில் குறிப்பாக 20ஆம் நூற்றாண்டின் இரண்டாம் தசாப்தங்களில் சிறுவர்கள் தினம் என்றடிப்படையில் அல்லாமல் சிறுவர்களை மகிழ்விக்கும் சில நிகழ்வுகள் இடம்பெற்றுள்ளன. குறிப்பாக 1920ஆம் ஆண்டில் துருக்கியில் சூன் 1ஆம் தேதி சிறுவர்களை மகிழ்விக்க சில போட்டி நிகழ்ச்சிகள் நடத்தப்பட்டுள்ளதாகக் கூறப்படுகின்றது. 1925ஆம் ஆண்டு ஜூன் 01ஆம் தேதி ஐக்கிய அமெரிக்காவின் சான் பிரான்சிஸ்கோவில் சீனா கொன்சல் ஜெனரலாகக் கடமையாற்றியவர் சீன அநாதைச் சிறுவர்களை ஒன்றுதிரட்டி ‘டிராகன் படகு’ விழாவை சிறப்பாக நடத்தினார். இப்படகு விழா அநாதைச் சிறுவர்களை மகிழ்விக்கும் முகமாக ஏற்பாடு செய்யப்பட்டது. இதே தினத்தில் ஜெனீவாவில் சிறுவர்கள் தொடர்பான மகாநாடொன்று நடத்தப்பட்டுள்ளது. எனவே, இவ்விரு சம்பவங்களையும் அடிப்படையாகக் கொண்டு சூன் 01ஆம் திகதி சிறுவர் தினமாக ஆரம்பகாலங்களில் கொண்டாடப்பட்டிருக்கலாம் கருத இடமுண்டு. ஆனால் 1925-ல் ஜெனீவாவில் நடைபெற்ற குழந்தைகள் நலன் குறித்த உலக மாநாட்டில், குழந்தைகளுக்குப் பாதுகாப்பான மற்றும் கண்ணியமான சூழலை உருவாக்குவதன் அவசியம் குறித்து வலியுறுத்தப்பட்டது. பின்னர், 1949-ல் மாஸ்கோவில் நடைபெற்ற பெண்கள் பன்னாட்டு சம்மேளனத்தில், குழந்தைகளின் அமைதி மற்றும் மகிழ்ச்சியான வாழ்க்கைக்கு ஒரு சிறப்பு நாள் தேவை என்று முன்மொழியப்பட்டது. இதன் விளைவாக, 1950 ஆம் ஆண்டு முதல் ஜூன் 1 ஆம் தேதி பன்னாட்டு குழந்தைகள் நாளாகக் கொண்டாடப்படும் என்று முடிவு செய்யப்பட்டதாகவும் ஒரு தகவலுண்டு.

ஐக்கிய நாடுகளின் பங்கு:

ஐக்கிய நாடுகள் சபை (UN) குழந்தைகளின் உரிமைகளைப் பாதுகாப்பதில் மகத்தான பங்காற்றியுள்ளது. 1959 ஆம் ஆண்டு நவம்பர் 20 ஆம் தேதி, ஐக்கிய நாடுகள் சபை குழந்தைகளின் உரிமைகள் பிரகடனத்தை ஏற்றுக்கொண்டது. இது குழந்தைகளின் நலன், பாதுகாப்பு, கல்வி, சுகாதாரம் மற்றும் வளர்ச்சி ஆகியவை குறித்து 10 கொள்கைகளை உள்ளடக்கியது. மேலும், 1989 ஆம் ஆண்டு நவம்பர் 20 ஆம் தேதி, குழந்தைகளின் உரிமைகள் குறித்த மாநாட்டை (Convention on the Rights of the Child – CRC) ஐக்கிய நாடுகள் சபை ஒருமித்த குரலில் ஏற்றுக்கொண்டது. இது ஒரு சட்டபூர்வமான ஒப்பந்தமாகும், இது குழந்தைகளுக்கு அவர்களின் அடிப்படை உரிமைகளை உறுதி செய்வதற்கான ஒரு உலகளாவிய தரத்தை அமைக்கிறது. பெரும்பாலான நாடுகள் இந்த மாநாட்டில் கையெழுத்திட்டுள்ளன, இது குழந்தைகளின் உரிமைகளைப் பாதுகாப்பதற்கான ஒரு வலுவான உலகளாவிய கட்டமைப்பை வழங்குகிறது.

முக்கியத்துவம்:

குழந்தைகளின் உரிமைகளை அங்கீகரித்தல்: குழந்தைகளுக்கு கல்வி, சுகாதாரம், பாதுகாப்பு, விளையாட்டு மற்றும் வளர்ச்சி போன்ற அடிப்படை உரிமைகள் உள்ளன என்பதை இந்த நாள் உலகிற்கு நினைவூட்டுகிறது.

விழிப்புணர்வை உருவாக்குதல்: குழந்தை தொழிலாளர், குழந்தை கடத்தல், வன்முறை மற்றும் புறக்கணிப்பு போன்ற குழந்தைகளின் மீதான அநீதிகளைப் பற்றி விழிப்புணர்வை ஏற்படுத்துகிறது.

முன்முயற்சிகளை ஊக்குவித்தல்: குழந்தைகளின் வாழ்க்கையை மேம்படுத்துவதற்கான திட்டங்கள், கொள்கைகள் மற்றும் முன்முயற்சிகளை அரசாங்கங்கள், தன்னார்வ நிறுவனங்கள் மற்றும் தனிநபர்கள் மேற்கொள்ள இந்த நாள் தூண்டுகிறது.

குழந்தைகளின் குரலை உயர்த்துதல்: குழந்தைகளின் கருத்துக்களுக்கும், தேவைகளுக்கும் செவிமடுப்பதன் அவசியத்தை வலியுறுத்துகிறது.
மகிழ்ச்சியைக் கொண்டாடுதல்: குழந்தைகளுக்குப் பாதுகாப்பான, அன்பான மற்றும் மகிழ்ச்சியான சூழலை உருவாக்குவதன் மூலம் அவர்களின் எதிர்காலத்தை வடிவமைப்பதில் நாம் அனைவரும் ஒரு முக்கிய பங்கை வகிக்கிறோம் என்பதை இந்த நாள் நினைவூட்டுகிறது.

சவால்களும் தீர்வுகளும்:

இன்றைய உலகிலும், எண்ணற்ற குழந்தைகள் வறுமை, மோதல்கள், காலநிலை மாற்றம், நோய் மற்றும் பாகுபாடு போன்ற சவால்களை எதிர்கொள்கின்றனர். பன்னாட்டு குழந்தைகள் நாள் இந்த சவால்களை ஒப்புக்கொண்டு, அவற்றுக்கான தீர்வுகளைக் கண்டறிய உலகளாவிய ஒத்துழைப்பின் அவசியத்தை வலியுறுத்துகிறது. கல்விக்கான அணுகலை மேம்படுத்துதல், சுகாதார சேவைகளை வழங்குதல், வன்முறையிலிருந்து குழந்தைகளைப் பாதுகாத்தல், குழந்தைத் திருமணங்களைத் தடுத்தல் மற்றும் குழந்தைகளின் பங்கேற்புக்கான வாய்ப்புகளை உருவாக்குதல் ஆகியவை இந்த சவால்களை எதிர்கொள்வதற்கான சில வழிகளாகும்.

மொத்தத்தில் பன்னாட்டு குழந்தைகள் நாள் என்பது ஒருநாள் கொண்டாட்டம் மட்டுமல்ல, இது ஒவ்வொரு நாளும் குழந்தைகளின் உரிமைகளைப் பாதுகாப்பதற்கும், அவர்களுக்கு ஒரு பிரகாசமான எதிர்காலத்தை உருவாக்குவதற்கும் நாம் மேற்கொள்ள வேண்டிய தொடர்ச்சியான முயற்சிக்கு ஒரு நினைவூட்டலாகும். ஒவ்வொரு குழந்தையும் ஒரு மதிப்புமிக்க தனிநபர் என்பதை நாம் அங்கீகரித்து, அவர்களின் திறன்களை வளர்க்கவும், கனவுகளை நிறைவேற்றவும் நாம் அனைவரும் பொறுப்புடன் செயல்பட வேண்டும். இந்த நாள், குழந்தைகளின் உரிமைகளுக்கான உலகளாவிய குரலை உயர்த்துவதற்கும், அவர்களுக்குப் பாதுகாப்பான, ஆரோக்கியமான மற்றும் மகிழ்ச்சியான உலகத்தை உருவாக்குவதற்கும் நம்மை ஊக்குவிக்கட்டும்.

தனுஜா