செபியில் வேலை வாய்ப்பு: யங் புரொபஷனல் திட்டம் 2026

இந்தியப் பங்குச்சந்தையின் பாதுகாவலனாக விளங்கும் செபி (SEBI), முதலீட்டாளர்களின் நம்பிக்கையைப் பாதுகாப்பதில் மிக முக்கியப் பங்கு வகிக்கிறது. 1992-இல் ஒரு தன்னாட்சி அமைப்பாக உருவாக்கப்பட்ட இது, இந்திய மூலதனச் சந்தையை நெறிமுறைப்படுத்துவதிலும் மேம்படுத்துவதிலும் உலகத்தரம் வாய்ந்த ஒரு ஒழுங்குமுறை வாரியமாகத் திகழ்கிறது. கோடிக்கணக்கான மக்களின் முதலீடுகளுக்குப் பாதுகாப்பு அரணாக இருந்து, வெளிப்படையான சந்தை சூழலை உருவாக்குவதே இதன் தலையாய கடமையாகும். அத்தகைய பெருமைமிக்க அமைப்பில் தற்போது இளம் திறமையாளர்களுக்காக அறிவிக்கப்பட்டுள்ள வேலைவாய்ப்பு குறித்த கூடுதல் தகவல்கள் இதோ:

செபி இளம் வல்லுநர் திட்டம் 2026

இந்தியப் பத்திரங்கள் மற்றும் பரிவர்த்தனை வாரியம் (SEBI), தகுதியுள்ள இளம் இந்தியக் குடிமக்களிடமிருந்து விண்ணப்பங்களை வரவேற்கிறது. இந்திய மூலதனச் சந்தையின் செயல்பாடுகளை மிக நெருக்கத்திலிருந்து கற்றுக்கொள்ளவும், ஒரு ஒழுங்குமுறை அமைப்பில் பணியாற்றும் அனுபவத்தைப் பெறவும் இது ஒரு அரிய வாய்ப்பாகும். 

Aanthai Reporter Invitation for Applications under SEBI Young Professional Program -10 Feb 2026_p

காலிப்பணியிடங்கள் விவரம்

மொத்தம் 91 இடங்கள் கீழ்க்கண்ட துறைகளில் நிரப்பப்பட உள்ளன: 

• வயது வரம்பு: விளம்பரம் வெளியான தேதியன்று (08.02.2026) விண்ணப்பதாரர் 30 வயதிற்குள் இருக்க வேண்டும். 

  கல்வித் தகுதி: மேலாண்மை (நிதி), சட்டம், தகவல் தொழில்நுட்பம், பொருளாதாரம் அல்லது சிஏ, சிஎஸ் போன்ற பிரிவுகளில் 60% மதிப்பெண்களுடன் தேர்ச்சி பெற்றிருக்க வேண்டும். 

  பணி அனுபவம்: சம்பந்தப்பட்ட துறையில் குறைந்தபட்சம் 1 ஆண்டு அனுபவம் அவசியம். (ஆராய்ச்சித் துறையில் PhD முடித்தவர்களுக்கு அனுபவம் தேவையில்லை ). 

முக்கியத் தகவல்கள்

• சம்பளம்: மாதம் ரூ. 70,000 (அனைத்தும் உள்ளடக்கியது). 

  பணி காலம்: ஓராண்டு. பணித்திறன் மற்றும் தேவையின் அடிப்படையில் மொத்தம் 3 ஆண்டுகள் வரை நீட்டிக்கப்படலாம். 

  பணியிடம்: மும்பையில் உள்ள செபி தலைமை அலுவலகம். 

  தேர்வு முறை: விண்ணப்பங்கள் பரிசீலனை செய்யப்பட்டு, முதற்கட்ட மற்றும் இறுதி நேர்முகத் தேர்வுகள் (Virtual Interview) வழியாகத் தகுதியானவர்கள் தேர்வு செய்யப்படுவர். 

எப்படி விண்ணப்பிப்பது?

ஆர்வமுள்ளவர்கள் செபி இணையதளம் (www.sebi.gov.in) வழியாக மட்டுமே ஆன்லைனில் விண்ணப்பிக்க முடியும். 

• விண்ணப்பிக்க கடைசி தேதி: விளம்பரம் வெளியான பிப்ரவரி 8-ஆம் தேதியிலிருந்து 21 நாட்கள் வரை விண்ணப்பிக்க அவகாசம் உள்ளது.   அதாவது 29.2.2026

  முக்கியக் குறிப்பு: ஒரு விண்ணப்பத்தாரர் ஒரு துறைக்கு (Domain) மட்டுமே விண்ணப்பிக்க முடியும்.