எதிர்காலத்தை மாற்றியமைக்கும் புதிய எரிசக்தி – HONC Gas ஜெனரேட்டரின் அறிமுகம்!

கோயம்புத்தூர்: எரிசக்தித் துறையில் புதிய அத்தியாயத்தைத் தொடங்கி வைக்கும் வகையில், கோயம்புத்தூரில் உள்ள HONOR Gas Pvt. Ltd. நிறுவனத்தின் ஆலையில், உலகிலேயே முதன்முறையாக சுத்திகரிக்கப்பட்ட தண்ணீரில் இருந்து நேரடியாக பசுமை ஹைட்ரஜன் எரிவாயுவை உற்பத்தி செய்யும் HONC Gas Generator குறித்த நேரடி செயல்விளக்கம் நடைபெற்றது. மரபுசார் எரிபொருள் பயன்பாடுகளுக்கு ஒரு முழுமையான மாற்றாக அமையும் இந்தத் தொழில்நுட்பம், எரிபொருள் துறையில் ஒரு புரட்சிகரமான மாற்றத்தை ஏற்படுத்தும் என எதிர்பார்க்கப்படுகிறது.

Gyroid Electrolytic Medium (GEM) தொழில்நுட்பத்தின் தனித்துவம்

HONC Gas நிறுவனத்தின் இந்த சாதனை, மேம்பட்ட Gyroid Electrolytic Medium (GEM) தொழில்நுட்பத்தின் உதவியுடன் சாத்தியமாகியுள்ளது. இந்தத் தொழில்நுட்பத்தின் மூலம், தூய தண்ணீரை மட்டுமே பயன்படுத்தி, முற்றிலும் மாசற்ற ஹைட்ரஜன் எரிபொருளை உற்பத்தி செய்ய முடியும். இது எரிபொருள் சேமிப்பு, சிலிண்டர்கள் மற்றும் எரிவாயு கசிவு, வெடிப்பு போன்ற ஆபத்துகளை முழுவதுமாகத் தவிர்க்கிறது. LPG அல்லது புதைவடிவ எரிபொருள்களைப் போல் அல்லாமல், HONC Gas எரிபொருளைத் தேவையானபோது மட்டுமே உற்பத்தி செய்து பயன்படுத்திக் கொள்ளலாம் என்பது இதன் முக்கிய சிறப்பம்சமாகும்.

பன்முகப் பயன்பாடுகளுக்கான ஆற்றல் மையம்

நிகழ்வில் பேசிய HONOR Gas Pvt. Ltd. நிறுவனத்தின் நிறுவனர் மற்றும் தலைமை விஞ்ஞானி திரு. பேளூர் ராமலிங்கம் கார்த்திக், “இந்தத் தொழில்நுட்பம் வெறும் மாற்று எரிசக்தி மட்டுமல்ல, எரிபொருள் துறையில் ஒரு முழுமையான மாற்றத்தைக் கொண்டு வரும். வெறும் ஒரு லிட்டர் தண்ணீர் மற்றும் மிகக் குறைந்த மின்சாரத்தைக் கொண்டு, தொழிற்சாலைகள் மற்றும் வீடுகளுக்கான தூய்மையான எரிபொருளை நம்மால் உற்பத்தி செய்ய முடியும்” என்று குறிப்பிட்டார்.

HONC Gas-இன் பயன்பாடுகள் வீடுகள் மற்றும் தொழிற்சாலைகளுக்கு அப்பாற்பட்டவை என்றும் அவர் கூறினார். நீராவி விசையாழி (steam turbine generators) மூலம் மின்சாரம் உற்பத்தி செய்வதற்கும், வாகனங்களுக்கான பாதுகாப்பான, திறமையான மற்றும் மாசற்ற எரிபொருளை வழங்குவதன் மூலம் ஆட்டோமொபைல் துறையில் ஒரு புரட்சிகர மாற்றத்தை ஏற்படுத்துவதற்கும் HONC Gas ஜெனரேட்டர்களுக்கு ஆற்றல் உண்டு என அவர் தெரிவித்தார்.

“இந்த புதிய கண்டுபிடிப்பை இந்தியாவில் இருந்து உலகிற்கு அறிமுகப்படுத்துவதில் நாங்கள் பெருமை கொள்கிறோம். சமையல் எரிவாயு, தொழிற்சாலைகளுக்கான பாய்லர்கள், பெரிய எரிசக்தி உற்பத்தி நிலையங்கள் எனப் பல துறைகளிலும் HONC Gas ஜெனரேட்டர்கள் பயன்படுத்தப்படலாம். நிலையான எரிசக்தி துறையில் இந்தியாவை உலகை வழிநடத்தும் நாடாக நிலைநிறுத்த வேண்டும் என்பதே எங்கள் இலக்கு” என்றார் திரு. கார்த்திக்.

பாராட்டுக்களும், எதிர்காலத் திட்டங்களும்

இந்தச் செயல் விளக்கத்திற்குப் பிறகு, HONC Gas நிறுவனரும் தலைமை விஞ்ஞானியுமான திரு. பேளூர் ராமலிங்கம் கார்த்திக், முதன்மை செயல் அதிகாரி திரு. முத்துக்குமாரசாமி முத்துரத்னம், மேலாண் இயக்குநர் திரு. செந்தில் குமார், நிறுவனத்தின் முதன்மை இயக்குநர் திரு. R. சரத்குமார், இணை மேலாண் இயக்குநர் திருமதி. பூரணசங்கீதா செந்தில் குமார் பிச்சை ஆகியோர் செய்தியாளர்களுக்கு விளக்கமளித்தனர்.

இந்த நிகழ்வில், ராம்ராஜ் காட்டன் தலைவர் திரு. S.R.நாகராஜன், வனம் இந்தியா பவுண்டேஷன் செயலாளர் திரு. S.K.Y.சுந்தர்ராஜன், ஹீரோ பேஷன்ஸ் நிறுவனத்தின் திரு. S.சுந்தரமூர்த்தி உள்ளிட்ட சிறப்பு விருந்தினர்கள் மற்றும் பல தொழில் துறை நிபுணர்கள் கலந்து கொண்டனர். இந்தியாவின் புதைவடிவ எரிபொருள் இறக்குமதியைக் குறைக்கும் இந்த கண்டுபிடிப்பை விருந்தினர்கள் வெகுவாகப் பாராட்டினர்.

தற்போது, உற்பத்தியைப் பெருக்கவும், அரசு அமைப்புகள், தொழிற்சாலைகள் மற்றும் ஆய்வு நிறுவனங்களுடன் இணைந்து பாதுகாப்பான, பசுமை எரிபொருள் உற்பத்தியை மேற்கொள்ளவும் HONOR Gas Pvt. Ltd. நிறுவனம் தயாராகி வருகிறது. இந்த புதிய தொழில்நுட்பம், தூய்மையான எரிசக்தி மற்றும் நிலையான எதிர்காலத்தை நோக்கிய இந்தியாவின் பயணத்தில் ஒரு முக்கியமான மைல்கல்லாக அமையும் என்பதில் சந்தேகமில்லை.