மிஸ்டர். சந்திர மெளலி அப்டேட் – நடிகர் சந்தோஷ் முக்கிய கதாபாத்திரத்தில் நடிக்கிறார்!
கார்த்திக் – கவுதம் கார்த்திக் இணைந்து நடிக்கும் ‘Mr. சந்திரமெளலி’ படத்தில் இயக்குநர்கள் மகேந்திரன் மற்றும் அகத்தியன் ஒப்பந்தம் செய்யப்பட்டு இருந்த தகவல் வெளியான நாளிலிருந்தே டெய்லி பரபரப்பு செய்திகளில் இப்படம் உடம் பிடித்து விட்டது. வரும் நவம்பர் மாதம் படப்பிடிப்பு தொடங்குவதற்காக ‘Mr. சந்திரமெளலி’ படக்குழு தொழில்நுட்ப கலைஞர்கள் ஒப்பந்தத்தில் தீவிரமாக பணியாற்றி வருகிறது. முக்கிய கதாபாத்திரத்தில் இயக்குநர்கள் மகேந்திரன் மற்றும் அகத்தியன் இருவரும் ஒப்பந்தம் செய்யப்பட்டு இருக்கிறார்கள். இதில் இயக்குநர் மகேந்திரன் தொழிலதிபராக நடிக்கவுள்ளார். திரு இயக்கத்தில் நடிக்க கார்த்திக், கவுதம் கார்த்திக், ரெஜினா, வரலெட்சுமி சரத்குமார், சதீஷ் உள்ளிட்ட பலர் ஒப்பந்தம் செய்யப்பட்டு இருக்கிறார்கள். கவுதம் கார்த்திக் தன் தந்தையுடன் நடிக்கும் முதல் படம் இது.
திரைப்படம், தொலைக்காட்சி மற்றும் இணையதள மீடியாக்களில் கால் பாதிக்கும் பாஃப்டா மீடியா ஒர்க்ஸ் இந்தியா என்ற புதிய மீடியா நிறுவனத்திற்காக கிரியேட்டிவ் என்டர்டெய்னர்ஸ் & டிஸ்ட்ரிபியூட்டர்ஸ் இத்திரைப்படத்தை தயாரிக்கிறது. இந்த ஹாட் டாபிக்காகிப் போன திரைப் படத்தில் ‘கதை திரைக்கதை வசனம் இயக்கம்’ படம் மூலம் கதாநாயகனாக அறிமுகமாகி, ‘தயம்’, ‘பயமா இருக்கு’ போன்ற படங்களில் நடித்துள்ள நடிகர் சந்தோஷ் ஒரு முக்கிய கதாபாத்திரத்தில் நடிக்கவுள்ளார்.
இது குறித்து இப்படத்தின் தயாரிப்பாளர் திரு. தனஞ்செயன்,” கார்த்திக் சார், கவுதம் கார்த்திக், மகேந்திரன் சார், அகத்தியன் சார்,சதிஷ், ரெஜினா கசன்றா மற்றும் வரலக்ஷ்மி ஆகியோர் இப்படத்தில் நடிக்கவுள்ளதில் எங்களுக்கு பெருமை. இந்த பட்டியலில் நடிகர் சந்தோஷ் சேர்ந்துள்ளார். பல ஜாம்பவான்களோடு சேர்ந்து நடிக்கவுள்ளதில் அவர் பெரும் மகிழ்ச்சியில் உள்ளார். படம் முழுக்க வரும் ஒரு முக்கிய கதாபாத்திரம் அவருடையது ” என்றார்.
சந்தோஷ் கதாநாயகனாக அறிமுகமான ‘கதை திரைக்கதை வசனம் இயக்கம் ‘ படத்தில் சந்தோஷ் இயக்குனராக வாய்ப்பு கேட்டு தயாரிப்பாளர் தனஞ்செயனை சந்திக்கும் காட்சியில் பின்புறத்தில் இயக்குனர் திருவின் ‘நான் சிகப்பு மனிதன்’ படத்தின் போஸ்டர் ஒட்டப்பட்டிருக்கும். தற்பொழுது தனஞ்செயன் அவர்களின் தயாரிப்பில் , திருவின் இயக்கத்தில் ‘ மிஸ்டர் சந்திரமௌலி ‘ படத்தில் சந்தோஷ் நடிக்கவுள்ளார் என்பது ஒரு சுவாரஸ்யமான தகவல்.
