தமிழ் குரல் / AI Voice
குழந்தைகளை பாலகர்கள் ( 2 வயது வரை), மழலைகள் (3 முதல் 6 வயது வரை), சிறார்கள் (7 – 12 வயது), பதின்ம வயதினர் (13 -17 ) என்று பிரிக்கலாம். இதில் 12 வயது வரை கொஞ்சி, சீராட்டி பாராட்டி வளர்க்கும் பெரும்பாலான பெற்றோர்கள் பதின்ம வயதுக்குள் அடியெடுத்து வைக்கும் குழந்தைகளிடம் பேசுவதையும், பழகுவதையும் வழிகாட்டுவதையும் குறைத்துக் கொள்கின்றனர். பதின்ம வயதினர் பெற்றோர்களின் தலையீட்டை விரும்புவதில்லை. இவற்றுக்குப் பல நடைமுறை சிக்கல்கள் காரணமாகின்றன. அதனால்தானோ என்னவோ
பதின்ம வயது (Teenage) என்பது பொதுவாகவே உணர்ச்சிக் கொந்தளிப்புகள் நிறைந்த ஒரு காலம். ‘எடுத்தெறிந்து பேசுவது’, ‘சிறு விஷயத்திற்கும் கோபப்படுவது’ என இந்த வயதில் ஏற்படும் சமூக மோதல்களைப் பலரும் வளர்ச்சியின் ஒரு கட்டமாகவே பார்க்கிறார்கள். ஆனால், பதின்ம வயதில் நாம் காட்டும் ஆக்ரோஷமான நடத்தை, வெறும் மனநிலை சார்ந்தது மட்டுமல்ல, அது நம் உடலின் செல்களையே பாதிக்கிறது என்பது இப்போது கண்டறியப்பட்டுள்ளது.

நீண்டகால ஆய்வு சொல்லும் உண்மை
விஞ்ஞானிகள் 13 வயதிலிருந்து 30 வயது வரை உள்ள 121 நபர்களைத் தொடர்ந்து கண்காணித்து ஒரு விரிவான ஆய்வை மேற்கொண்டனர். சுமார் 17 ஆண்டுகால இந்த ஆய்வின் முடிவில், பதின்ம வயதில் அடிக்கடி பெற்றோர் அல்லது நண்பர்களிடம் ஆக்ரோஷமாக நடந்துகொண்ட நபர்களுக்கு, 30 வயதை எட்டும்போது உடல் ரீதியான முதுமை (Biological Aging) மற்றவர்களை விட வேகமாக ஏற்பட்டிருப்பது தெரியவந்துள்ளது.
உடல் முதுமை ஏன் முந்துகிறது?
பொதுவாக, நம் வயது என்பது நாம் பிறந்த தேதியைக் கணக்கிடுவது (Chronological Age). ஆனால் ‘உயிரியல் வயது’ (Biological Age) என்பது நம் உடலிலுள்ள செல்கள் மற்றும் உறுப்புகள் எவ்வளவு ஆரோக்கியமாக இருக்கின்றன என்பதைப் பொறுத்தது.
பதின்ம வயதில் ஏற்படும் தொடர்ச்சியான கோபம் மற்றும் ஆக்ரோஷம், உடலில் ‘கார்டிசோல்’ போன்ற மன அழுத்த ஹார்மோன்களை அதிகளவில் சுரக்கச் செய்கிறது. இது நீண்ட கால அடிப்படையில்:
-
உடலின் நோய் எதிர்ப்பு சக்தியைக் குறைக்கிறது.
-
செல்களின் டிஎன்ஏ-வில் (DNA) சிதைவை ஏற்படுத்துகிறது.
-
இதய ஆரோக்கியத்தைப் பாதிக்கிறது.
இதனால், 30 வயதிலேயே ஒருவரது உடல் 40 வயதுடைய ஒருவரின் தேய்மானத்தைப் பெற்றுவிடுகிறது.
நடத்தையில் மாற்றம், நலமான எதிர்காலம்
இந்த ஆய்வு நமக்குச் சொல்லும் செய்தி மிகத் தெளிவானது. பதின்ம வயதில் ஏற்படும் சமூகச் சிக்கல்களை (Social Friction) வெறும் கோபத்தினால் கையாள்வது, எதிர்கால ஆரோக்கியத்தை விலையாகக் கொடுப்பதற்குச் சமம். கோபத்தைக் கட்டுப்படுத்தக் கற்றுக்கொள்வதும், உணர்ச்சிகளைக் கையாளும் முதிர்ச்சியைப் பெறுவதும் இளமையை நீண்ட காலம் தக்கவைக்க உதவும் ஒரு எளிய ‘ஆரோக்கிய ரகசியம்’ ஆகும்.
சுசிலா
