‘டியூட்’ இசை வெளியீட்டில் வெடித்த செய்தி சரவெடிகள்!

சென்னை: இந்த தீபாவளிக்கு வெடிச் சத்தத்துடன் ரிலீஸ் ஆகப் போகும் ‘டியூட்’ திரைப்படத்தின் பிரம்மாண்டமான இசை வெளியீட்டு விழா சென்னையில் நேற்று நடைபெற்றது. மைத்ரி மூவி மேக்கர்ஸ் தயாரிப்பில், கீர்த்தீஸ்வரன் இயக்கத்தில், பிரதீப் ரங்கநாதன், மமிதா பைஜூ ஜோடி சேரும் இந்தப் படத்தின் மேடை முழுக்க முழுக்க இண்டஸ்ட்ரி சூப்பர் ஸ்டார்களின் கலகலப்பு மற்றும் உணர்ச்சிப்பூர்வமான பேச்சுக்களால் அதிர்கிறது.

“புது சரத்குமாரை இதில் பார்க்கலாம்!” – சரத் பாய்ச்சல்!

விழாவில் பேசிய சீனியர் ஸ்டார் சரத்குமார் கொடுத்த ஒரு தகவல் தான் செம ஹைலைட்!

“அறிமுக இயக்குநர் கீர்த்தீஸ்வரன் ‘டியூட்’ கதையைச் சொல்ல வந்தபோது, என் கதாபாத்திரம் பற்றிக் கேட்டுட்டு முதலில் நான் நடிக்க மாட்டேன்னு சொல்லிட்டேன். ஆனா, கீர்த்தி அந்தக் கதையை அவ்வளவு டெடிகேட்டடாக, முழுதாக என்னிடம் சொன்னபோது, ‘புதிய சரத்குமாரை’ இந்தத் திரையில் கொண்டு வருவதற்கான முயற்சி இதில் இருப்பதை என்னால் புரிந்துகொள்ள முடிந்தது. பிரதீப் ஒரு துடிப்புள்ள நடிகர்-இயக்குநர்! அவருடன் நடித்தது மகிழ்ச்சி!” என்று சரத் தன் சம்மதத்திற்குக் காரணத்தைச் சொல்லி சர்ப்ரைஸ் கொடுத்தார்.

பிரதீப்பின் ‘லவ் டுடே’ ரகசியம் உடைந்தது!

படத்தின் ஹீரோ பிரதீப் ரங்கநாதன் பேசியபோது, ஹீரோயின் மமிதா பைஜூ குறித்த ரகசியம் ஒன்றை உடைத்தார்:

“நான் பார்த்து வளர்ந்த ஹீரோ சரத்குமார் சார் இந்தப் படத்துக்கு ஒத்துக்கிட்டதுக்கே நன்றி! அவருடைய எனர்ஜி எனக்குப் பெரிய இன்ஸ்பிரேஷன். ஆனா, இந்த மமிதா பைஜூ இருக்காரே… இவரை நான் ஒரு ஷார்ட் ஃபிலிம்ல பார்த்துட்டு, ‘லவ் டுடே’ படத்துக்காக முயற்சி செய்தேன்! அப்போ அவர் ‘வணங்கான்’ படத்துல பிஸியாக இருந்ததால பிடிக்க முடியல. ஆனா, இப்போ ‘டியூட்’ல அவர் நடிக்கிறார்னு கீர்த்தி சொன்னபோது எனக்கு ஆச்சரியமா இருந்துச்சு!” என்றார். இது வரை பார்க்காத ஒரு புது மமிதாவை இதில் பார்க்கலாம் என்றும் பிரதீப் உறுதி அளித்தார்.

இசையமைப்பாளரின் எமோஷனல் பிணைப்பு!

அறிமுக இசையமைப்பாளர் சாய் அபயங்கர், ஒருநாள்லேயே ‘டியூட்’ வாய்ப்பு எப்படி கிடைச்சதுன்னு சொல்லி எமோஷனல் ஆகிட்டாரு.

“என்னோட ‘கட்சி சேரா’ பாடல் ரிலீஸாக ரெண்டு நாளுக்கு முன்னாலதான் கீர்த்தி ப்ரோ என்னிடம் கதை சொன்னாரு. உடனே, ‘இவர்கூட வேலை பார்க்கணும்’னு முடிவு செஞ்சுட்டேன். என் முதல் படமே தீபாவளிக்கு வருவது ஸ்பெஷல். ‘ஆச கூட…’ பாட்டுக்கு மமிதாவைத்தான் காஸ்ட் பண்ண நினைச்சோம், டேட் பிரச்சனையால் முடியலை!” என்றார். பின்னணி இசைக்கும் நிச்சயம் ரசிகர்கள் அடிமையாகுவாங்கன்னு நம்பிக்கை தெரிவிச்சார்.

ஜி.பி. முத்து & பாடகர்களின் பாராட்டு மழை!

நடிகர் ஜிபி முத்து, “பிரதீப் ரங்கநாதனின் படங்கள் எல்லாம் வித்தியாசமாக இருக்கும். இந்த ‘டியூட்’ படத்தையும் பார்க்க ஆவலோடு இருக்கேன்” என்று பிரதீப்பை வாழ்த்தினார்.

பின்னணிப் பாடகர்கள் திப்பு & ஹரிணி ஜோடி, இசையமைப்பாளர் சாயின் உழைப்பைப் புகழ்ந்து தள்ளினாங்க. “இப்போதெல்லாம் ஒரு நாளைக்கு 19 மணி நேரம் வேலை பார்க்கிறார் சாய். அவருடைய கடின உழைப்புக்கு இன்னும் பெரிய உயரம் நிச்சயம் இருக்கு!” என்று பெருமிதம் தெரிவித்தனர்.

இயக்குனர் கொடுத்த கேரண்டி!

இயக்குநர் கீர்த்தீஸ்வரன், தான் உதவி இயக்குநராக இருந்தபோது நிகேத் பொம்மிதான் மைத்ரி மூவி மேக்கர்ஸிடம் கதை சொல்லி தன் கனவை நனவாக்கினார் என்று நன்றி தெரிவித்தார்.

“பழைய சரத் சாராக ஆடல் பாடலுடன் இதில் வந்தால் எப்படி இருக்கும்னு நினைச்சுத்தான் கதை சொன்னேன், அவருக்கும் பிடிச்சது. படத்தில் உங்களுக்கு எல்லோருக்கும் பிடிச்ச பயங்கர ஹைப்பரான பிரதீப்பையும் பார்ப்பீங்க… இன்னொரு பக்கம், மெச்சூர்டான, எமோஷனலான பிரதீப்பையும் பார்ப்பீங்க!” என்று உறுதி கொடுத்தார். லவ், ஆக்‌ஷன், சென்டிமென்ட், ஹியூமர் என எல்லாமே படத்தில் இருக்குன்னு சொல்லி தீபாவளிக்கு கேரண்டி கொடுத்தார்!

மைத்ரி தயாரிப்பாளர்கள் நவீன் யெர்னேனி மற்றும் Y ரவி ஷங்கர் பேசும்போது, “இந்த நல்ல படத்தை 8 வயதில் இருந்து 80 வயது வரை எல்லோரும் கொண்டாடலாம்” என்று பிரீத்தி அடித்தார்கள்.

இன்னும் சில தினங்களில் திரைக்கு வரப்போகும் இந்த ‘டியூட்’ (DUDE) படம் ரசிகர்களின் தீபாவளி விருந்தாக அமையுமா என்று ஆவலுடன் பார்ப்போம்!