அளவுக்கு அதிகமான நேரம் வேலை செஞ்சா பக்கவாதம் வர சான்ஸ் உண்டு!

இன்றைய சூழ்நிலையில் எல்லா தனியார் நிறுவனங்களிலும் எக்கச்சக்கமான நேரம்வேலை செய் தால்தான் பணி நீட்டிப்புக் கிடைக்கும் போக்கு நிலவுகிறது. இந்நிலையில் 10 மணி நேரத்துக்கும் அதிகமாக ஆண்டுக்கு 50 நாட்கள் வேலை செய்பவர்களுக்கு பக்கவாதம் வருவதற்கான வாய்ப்புக் கள் அதிகம் இருப்பதாக ஆய்வு ஒன்று எச்சரித்துள்ளது!

வேலையில் அதிக ஈடுபாடு கொண்டவர்கள், காலையில் வேலைக்கு சீக்கிரம் வந்து எல்லோரும் சென்ற பின் கடைசியாகச் செல்வார்கள். அதேபோல் நிறுவனம் குறிப்பிட்ட நேரத்தைக் காட்டிலும் அதிக நேரம் வேலை செய்வார்கள். ஆனால், ஆலுவலக நேரத்தைக் காட்டிலும் அதிக நேரம் வேலை செய்வதால் நிறைய அவுட்புட்டை அளிக்க முடியுமா என்றால் இல்லை என்றது ஓர் ஆய்வு முடிவு. இடைவேளைகள், நமக்கான நேரத்தை சரியாக எடுத்துக்கொண்டு, வேலையைத் தொடர் வதால் கூடுதல் ஆற்றலுடன், கூடுதல் அவுட்புட்டையும் அளிக்க முடியும் எனவும் கூறியது அந்த ஆய்வு முடிவு. இதனிடையே 10 மணி நேரத்திற்கும் மேலாக பணியில் இருப்பவர்களில் ஒருவரில் நீங்களும் இருக்கிறீர்களா?. அப்படி நீண்ட நேரம் வேலை செய்யும் நபர்களுக்கு பக்கவாதம் ஏற்படும் அபாயம் உள்ளது, குறிப்பாக அவர்கள் அந்த மணி நேரங்களை 10 ஆண்டுகள் அல்லது அதற்கு மேற்பட்ட காலம் வேலை செய்துவந்தால் என்ன ஆகும் என அதிர்ச்சி தகவல் வெளியாகியுள்ளது.

கான்ஸ்டென்சஸ் என்ற பிரான்ஸ் ஆய்வுக் குழு 2012 ஆம் ஆண்டு முதல் மேற்கொண்ட ஆய்வு முடிவு ஸ்ட்ரோக்-ஜர்னல் ஆஃப் த அமெரிக்கன் ஹார்ட் அசோசியேசன் என்ற இதழில் வெளி யாகியுள்ளது. 18 முதல் 69 வயதுக்குட்பட்ட ஒரு லட்சத்து 43 ஆயிரம் பேரிடம் எடுக்கப்பட்ட ஆய்வில் அவர்களில் 29 சதவீதம் பேர் அதிக நேரம் வேலை பார்ப்பது கண்டறியப்பட்டது. இந்த ஆய்வில் மொத்தம் 143,592 பேர் பங்கேற்றனர். அதிலும் 10 சதவீதம் பேர் 10 ஆண்டுகளுக்கும் மேலாக இதேபோன்று அதிக பணி நேரத்தில் வேலை பார்ப்பதாகக் கூறியுள்ளனர். அவர்களில் 50 வயதுக்கும் மேற்பட்ட பலருக்கு பக்கவாதம் வந்ததும் கண்டறியப்பட்டுள்ளது. எனவே 10 மணி நேரத்துக்கும் அதிகமாக ஆண்டுக்கு 50 நாட்கள் வேலை செய்பவர்கள் தொடர்ந்து 10 ஆண்டுகள் அவ்வாறே பணியாற்றினால் அவர்களுக்கு பக்கவாதம் வரும் அபாயம் 45 சதவீதம் அதிகம் என கணக்கிடப்பட்டுள்ளது.

முந்தைய ஆய்வுகள் வணிக உரிமையாளர்கள், தலைமை நிர்வாக அதிகாரிகள், விவசாயிகள், தொழில் வல்லுநர்கள் மற்றும் மேலாளர்களிடையே நீண்ட வேலை நேரத்தின் சிறிய விளைவைக் குறிப்பிட்டன.

அந்த குழுக்கள் பொதுவாக மற்ற தொழிலாளர்களை விட அதிக முடிவு அட்சரேகை கொண்டி இருப்பதால் இருக்கலாம் என்று ஆராய்ச்சியாளர்கள் குறிப்பிட்டனர். கூடுதலாக, பிற ஆய்வுகள் ஒழுங்கற்ற மாற்றங்கள், இரவு வேலை மற்றும் வேலை சிரமம் ஆகியவை ஆரோக்கியமற்ற வேலை நிலைமைகளுக்கு காரணமாக இருக்கலாம் என்று தெரிவித்துள்ளன.