ஸ்டேட் பேங்க் ஆஃப் இந்தியாவில் (SBI) 7150 அப்ரண்டிஸ் பணிவாய்ப்பு!

இந்தியாவின் மிகப்பெரிய பொதுத்துறை வங்கியான ஸ்டேட் பேங்க் ஆஃப் இந்தியா (SBI), நாடு முழுவதும் உள்ள அதன் கிளைகளில் அப்ரண்டிஸ் (Apprentice) பணிக்கான மாபெரும் வேலைவாய்ப்பு அறிவிப்பை வெளியிட்டுள்ளது. மொத்தம் 7,150 காலியிடங்கள் அறிவிக்கப்பட்டுள்ள இந்தத் திட்டம், வங்கித் துறையில் கால்திக்க விரும்பும் இளம் பட்டதாரிகளுக்கு ஒரு சிறந்த அடித்தளமாக அமையும்.

பணியிடங்கள் மற்றும் மாநில வாரியான விவரங்கள்

அப்ரண்டிஸ் சட்டத்தின் கீழ் தகுதியுள்ள இந்தியக் குடிமக்களிடமிருந்து இந்த விண்ணப்பங்கள் வரவேற்கப்படுகின்றன. விண்ணப்பதாரர்கள் ஏதேனும் ஒரு மாநிலத்திற்கு மட்டுமே விண்ணப்பிக்க முடியும். மேலும், இந்தத் தேர்வுத் திட்டத்தின் கீழ் ஒருமுறை மட்டுமே தேர்வெழுத அனுமதிக்கப்படுவார்கள்.

தமிழ்நாடு மற்றும் புதுச்சேரி உட்பட இந்தியாவின் பல்வேறு மாநிலங்களில் உள்ள காலியிடங்களின் விவரங்கள்:

• ஒட்டுமொத்த காலியிடங்கள்: 7,150

• தமிழ்நாடு: 396 பணியிடங்கள் (வழக்கமான உள்ளூர் மொழி: தமிழ்)

• புதுச்சேரி: 18 பணியிடங்கள் (வழக்கமான உள்ளூர் மொழி: தமிழ்)

யாரெல்லாம் விண்ணப்பிக்கலாம்? (தகுதி வரம்புகள்)

வங்கித் துறையின் நெறிமுறைகளுக்கு ஏற்ப தகுதித் தேவைகள் துல்லியமாக வரையறுக்கப்பட்டுள்ளன. விண்ணப்பிக்கும் முன்பாக தங்களுக்கு இந்தத் தகுதிகள் இருப்பதை விண்ணப்பதாரர்கள் உறுதி செய்து கொள்ள வேண்டும்.

• கல்வித் தகுதி: அங்கீகரிக்கப்பட்ட ஏதேனும் ஒரு பல்கலைக்கழகத்தில் ஏதேனும் ஒரு பிரிவில் இளங்கலைப் பட்டப்படிப்பு (Graduation) முடித்திருக்க வேண்டும்.

• வயது வரம்பு: 01.04.2026 தேதியின்படி, விண்ணப்பதாரர்கள் 20 வயது நிறைந்தவராகவும், 28 வயதிற்கு மிகாதவராகவும் இருக்க வேண்டும்.

மத்திய அரசு விதிகளின்படி வயது வரம்புத் தளர்வுகள்:

• எஸ்சி / எஸ்டி (SC / ST) பிரிவினருக்கு – 5 ஆண்டுகள் தளர்வு

• ஓபிசி (OBC) பிரிவினருக்கு – 3 ஆண்டுகள் தளர்வு

• மாற்றுத்திறனாளிகள் (PwBD) பிரிவினருக்கு – 10 ஆண்டுகள் தளர்வு

முக்கியமான தேதிகள் மற்றும் தேர்வு முறை

விண்ணப்ப செயல்முறைகள் அனைத்தும் ஆன்லைன் மூலமாக மட்டுமே நடைபெறும். பூர்த்தி செய்யப்பட்ட விண்ணப்பங்களின் கடித நகல்களை (Hard Copy) வங்கி அலுவலகத்திற்கு அனுப்பத் தேவையில்லை.

• ஆன்லைன் விண்ணப்பம் மற்றும் கட்டணம் செலுத்துவதற்கான கால வரம்பு: 19.05.2026 முதல் 08.06.2026 வரை.

• ஆன்லைன் எழுத்துத் தேர்வு (Tentative Online Exam): தற்காலிகமாக 2026 ஜூலை மாதத்தில் நடத்தத் திட்டமிடப்பட்டுள்ளது.

தேர்வு முறையானது ஆன்லைன் எழுத்துத் தேர்வு மற்றும் அந்தந்த மாநிலத்தின் உள்ளூர் மொழித் தேர்வு (Local Language Test) ஆகியவற்றின் அடிப்படையில் அமையும். விண்ணப்பிக்கும் மாநிலத்தின் உள்ளூர் மொழியை எழுத, படிக்க மற்றும் பேசத் தெரிந்திருப்பது அவசியமாகும்.

விண்ணப்பிக்கும் முறை

தகுதியும் விருப்பமும் உள்ள விண்ணப்பதாரர்கள் ஆன்லைனில் விண்ணப்பிக்கும் முன் இரண்டு முக்கியக் கட்டங்களாகப் பதிவு செய்ய வேண்டும்:

1. முதலில், தேசிய அப்ரண்டிஸ் ஊக்குவிப்பு திட்ட (NAPS) போர்ட்டலான https://apprenticeshipindia.gov.in மற்றும் https://bfsissc.com ஆகிய தளங்களுக்குச் சென்று வழிகாட்டுதல்களைப் படித்து முறைப்படி பதிவு செய்ய வேண்டும்.

2. அங்குப் பதிவு செய்த பிறகு, எஸ்பிஐ வங்கியின் அதிகாரப்பூர்வ இணையதளமான https://www.sbi.co.in/careers அல்லது https://sbi.bank.in/web/careers/current-openings என்ற லிங்க் மூலம் ஆன்லைனில் விண்ணப்பிக்கலாம்.

விண்ணப்பக் கட்டணம் ஆன்லைன் மூலமாக மட்டுமே செலுத்தப்பட வேண்டும். கட்டணம் செலுத்தப்பட்ட பின்னரே விண்ணப்பம் முழுமையாக ஏற்றுக்கொள்ளப்படும். திருத்தங்கள் அல்லது கூடுதல் தகவல்கள் ஏதேனும் இருப்பின் அவை வங்கியின் அதிகாரப்பூர்வ இணையதளத்தில் மட்டுமே வெளியிடப்படும்.