செய்தியைக் கேட்க / Listen to News
திரைத்துறையில் புதுவிதமான கதைகளளமும், எதார்த்தமான மனிதர்களின் வாழ்க்கைப் பதிவுகளும் என்றுமே ரசிகர்களிடையே தனி வரவேற்பைப் பெறுபவை. அந்த வகையில், தற்காலத்தில் மிக தீவிரமாக விவாதிக்கப்படும் ஒரு சமூக எதார்த்தத்தை, நகைச்சுவை மற்றும் குடும்பக் பின்னணியில் கையில் எடுத்திருக்கிறது ஆன்ஷ்வா புரொடக்ஷன்ஸ் நிறுவனம். பிரபு ஏகாம்பரம் இயக்கி, நாயகனாக நடித்து உருவாகி வரும் திரைப்படம் தான் ‘மிடில் கிளாஸ் மாப்பிள்ளை’ (MCM).
முன்னணி சர்வதேச ஐடி நிறுவனங்களில் உயர்பதவிகளில் பணியாற்றி, சினிமா மீது கொண்ட தீராத காதல் காரணமாகத் திரைத்துறைக்கு வந்தவர் பிரபு ஏகாம்பரம். நடுத்தரக் குடும்பங்களின் அன்றாட வாழ்க்கைப் போராட்டங்களையும், அவர்களின் அழகான தருணங்களையும் மையமாகக் கொண்டு இப்படத்தின் கதையை எழுதி, இயக்கி, கதாநாயகனாகக் களமிறங்கியுள்ளார்.
90ஸ் கிட்ஸ்களின் நிஜப் பரிதாபம்
இன்றைய சூழலில் 90ஸ் கிட்ஸ்கள் சந்திக்கும் மிகப்பெரிய சவால்களில் ஒன்று, திருமணத்திற்குப் பெண் கிடைப்பதுதான். தகுதியான வேலை, சொந்த வீடு என அனைத்தும் இருந்தாலும், ஏதோ ஒரு வகையில் தங்களின் மணவாழ்க்கை தள்ளிக்கொண்டே போவதை எண்ணற்ற இளைஞர்கள் அனுபவித்து வருகிறார்கள். இந்த எதார்த்தமான சிக்கலையும், நடுத்தரக் குடும்பத்து மாப்பிள்ளைகளின் மனக்குமுறல்களையும் மிகவும் சுவாரசியமாகவும் கலகலப்பாகவும் திரையில் பிரதிபலிப்பதே இப்படத்தின் முக்கிய நோக்கம்.
நட்சத்திரப் பட்டாளமும் தொழில்நுட்பக் கலைஞர்களும்
இப்படத்தில் பிரபு ஏகாம்பரத்திற்கு ஜோடியாக ஹரிபிரியா கதாநாயகியாக நடிக்கிறார். மேலும் ஷீபா கிறிஸ்டி, அருள் டி. ஷங்கர் மற்றும் எலிசபெத் ஆகியோர் கதையின் திருப்புமுனையான முக்கிய கதாபாத்திரங்களில் நடிக்கின்றனர்.
ப படத்தின் பின்னணி இசை மற்றும் பாடல்களுக்கு ரஷாந்த் ஆர்வின் இசையமைக்கிறார். அபிஷேக் ஒளிப்பதிவை மேற்கொள்ள, சூரிய முருகன் படத்தொகுப்புப் பணிகளைக் கவனிக்கிறார். வி.ஜெ.பி. ரகுபதி பாடல்களை எழுத, ராப்ஸ் பிரசாத் கிரியேட்டிவ் இயக்குநராகப் பங்காற்றியுள்ளார். ஸ்ருஜித், நவீன், ஜெய்சங்கர் ஆகியோர் உதவி இயக்குநர்களாகச் செயல்பட, ரமேஷ் செந்தில் மற்றும் பிரவீண் பப்ளிசிட்டி டிசைன்களை மேற்கொண்டுள்ளனர். சந்தோஷ் ஸ்டில்ஸ் கவனிக்க, மக்கள் தொடர்பாளராக நிகில் முருகன் செயல்படுகிறார்.
விரைவில் திரைக்கு வரத் தயார்
90ஸ் கிட்ஸ்களின் வேதனையைச் சிரிப்போடு சொல்ல வரும் ‘மிடில் கிளாஸ் மாப்பிள்ளை’ படத்தின் முழுப் படப்பிடிப்பும் வெற்றிகரமாக நிறைவடைந்துள்ளது. தற்போது படத்தின் போஸ்ட் புரொடக்ஷன் பணிகள் மிக விறுவிறுப்பாக நடைபெற்று வருகின்றன. குடும்பங்களோடு வந்து சிரித்து மகிழும் வகையில் உருவாகியுள்ள இப்படத்தை விரைவில் திரையரங்குகளில் வெளியிடப் படக்குழுவினர் தீவிரமாகத் திட்டமிட்டு வருகிறார்கள்.
திரைத்துறையில் அடி எடுத்து வைக்கும் புதிய கலைஞர்களின் இந்த முயற்சி, 90ஸ் கிட்ஸ்கள் மற்றும் நடுத்தரக் குடும்பங்களின் மனதை நிச்சயமாகக் கவரும் என்று எதிர்பார்க்கப்படுகிறது.
