இந்தியன் ஓவர்சீஸ் வங்கி அதிகாரி பணிவாய்ப்பு!

இந்தியன் ஓவர்சீஸ் வங்கி (Indian Overseas Bank) – நாட்டின் முன்னணி அரசுத் துறையிலான வங்கிகளில் ஒன்றாகும். இவ்வங்கி தற்போது உள்ளூர் வங்கி அதிகாரி (Local Bank Officers) பதவிக்கான புதிய வேலைவாய்ப்பு அறிவிப்பை வெளியிட்டுள்ளது.அதில் மொத்தமாக 400 காலியிடங்கள் அறிவிக்கப்பட்டுள்ளன. தமிழகத்தில் மட்டும் 260 பணியிடங்கள் ஒதுக்கப்பட்டுள்ளன. வேலைக்கு விண்ணப்பிக்க இளங்கலை பட்டம் பெற்றிருக்க வேண்டும். இது அரசு அங்கீகரிக்கப்பட்ட பல்கலைக்கழகத்தில் இருக்க வேண்டும். வயது வரம்பு 01.05.2025 அன்று அடிப்படையாகக் கொண்டு, 20 முதல் 30 வயதுக்குள் இருக்க வேண்டும். ஒபிசி பிரிவினருக்கு 3 ஆண்டுகள், எஸ்சி/எஸ்டி பிரிவினருக்கு 5 ஆண்டுகள் வயது தளர்வு உண்டு.தகுதியும் விருப்பமும் உள்ள விண்ணப்பதாரர்கள் 31 மே 2025 க்குள் தங்களது விண்ணப்பங்களை சமர்ப்பிக்க வேண்டியது கட்டாயம்.

காலியிடங்களின் எண்ணிக்கை:

400

கல்வித் தகுதி:

அங்கீகரிக்கப்பட்ட பல்கலைக்கழகத்தில் ஏதேனும் ஒரு இளங்கலைப் பட்டப்படிப்பு முடித்திருக்க வேண்டும்.

வயதுத் தகுதி:

01.05.2025 அன்று 20 வயது முதல் 30 வயது வரை உள்ளவர்கள் விண்ணப்பிக்கலாம். ஓ.பி.சி பிரிவினருக்கு 3 ஆண்டுகளும், எஸ்.சி மற்றும் எஸ்.டி பிரிவினருக்கு 5 ஆண்டுகளும் வரம்பில் தளர்வு உண்டு.

சம்பளம்:

ரூ. 48,480 – 85,920

தேர்வு செய்யப்படும் முறை:

இந்த பணியிடங்களுக்கு கணினி வழித் தேர்வு, வட்டார மொழித் தேர்வு மற்றும் நேர்முகத் தேர்வு அடிப்படையில் தகுதியானவர்கள் தேர்ந்தெடுக்கப்படுவார்கள். இதில் வட்டார மொழித் தேர்வு தகுதித் தேர்வு மட்டுமே. இறுதி பணி நியமனத்திற்கு கணினி வழித் தேர்வு மற்றும் நேர்முகத் தேர்வு மதிப்பெண்கள் மட்டும் கணக்கில் எடுத்துக் கொள்ளப்படும்.

கணினி வழித் தேர்வில் திறனறி, கணிதம், ஆங்கிலம் மற்றும் பொது/ வங்கி சார்ந்த 140 கேள்விகள் 200 மதிப்பெண்களுக்கு இடம்பெறும். தேர்வுக்கான கால அளவு 3 மணி நேரம்.

விண்ணப்பிக்கும் முறை:

இந்த பணியிடங்களுக்கு விண்ணப்பிக்க https://ibpsonline.ibps.in/ioblboapr25/ என்ற இணையதளப் பக்கம் மூலம் ஆன்லைனில் விண்ணப்பிக்க வேண்டும்.

விண்ணப்பக் கட்டணம்:

ரூ. 850. எஸ்.சி, எஸ்.டி மற்றும் மாற்றுத்திறனாளிகளுக்கு ரூ. 175

விண்ணப்பிக்க கடைசி தேதி:

31.05.2025

இந்த வேலை வாய்ப்பு தொடர்பாக மேலும் விவரங்கள் அறிய ஆந்தை வழிகாட்டி/வேலைவாய்ப்பு என்ற லிங்கை க்ளிக் செய்து முழ்ய் அறிவிப்பினைப் பார்வையிடவும்.