ஈழத்து ஜன்னல் வழியே ஒரு காதல் காவியம்: ‘அந்தோணி’ முன்னோட்ட விழாத் துளிகள்!
ஈழத்து மண்ணின் ஈரத்தையும், போருக்குப் பிந்தைய வாழ்வின் வலிகளையும் சுமந்து வரும் ‘அந்தோனி’ திரைப்படத்தின் இசை மற்றும் முன்னோட்ட வெளியீட்டு விழா, சென்னை பிரசாத் லேப் திரையரங்கில் உணர்வுப்பூர்வமாக நடைபெற்றது. ‘ஓசை பிலிம்ஸ்’ தயாரிப்பில், இசைஞானி இளையராஜாவின் ஆசீர்வாதத்துடன் (இசையில்) உருவாகியுள்ள இப்படம், இலங்கை மற்றும் இந்தியக் கலைஞர்களின் கூட்டு முயற்சியில் ஒரு உலகத் தரமான படைப்பாக மலர்ந்துள்ளது.
ஈழத்து ஜன்னல் வழியே ஒரு காதல் காவியம்!
நீண்ட இடைவெளிக்குப் பிறகு இந்திய – இலங்கை கூட்டுத் தயாரிப்பில் உருவாகியுள்ள ‘அந்தோனி’ திரைப்படம், வெறும் போர்க்கால நினைவுகளை மட்டும் பேசாமல், சிதைந்து போன ஒரு தேசத்தில் எஞ்சியிருக்கும் மனிதர்களின் மறுவாழ்வையும், காதலையும், தேடலையும் மையமாக வைத்து எடுக்கப்பட்டுள்ளது.
விழாவின் நெகிழ்ச்சியான தருணங்கள்:
-
இயக்குநர் சீனு ராமசாமி உருக்கம்: “அழிக்கப்பட்ட ஒரு நாட்டிலிருந்து இரண்டு இளைஞர்கள் படம் எடுக்க வந்திருக்கிறார்கள் என்ற ஒரே காரணத்திற்காக ஓடி வந்தேன். இது இளையராஜா இசை அமைத்த படம் என்பதை விட, அவர் ஆசீர்வதித்த படம்” என்று கூறி, படத்தில் நடித்த கயல் வின்சென்ட்டின் நடிப்பைப் பாராட்டி மேடையிலேயே அவரிடம் மன்னிப்பு கேட்டு நெகிழ்ச்சியை ஏற்படுத்தினார்.
-
ஈழத்து மண்ணின் வாசம்: தயாரிப்பாளர் ரமணதாஸ் பேசுகையில், “தமிழ்நாடு எங்கள் ரத்தத்தில் கலந்தது. ஈழத்து ஜன்னல் வழியாக எங்கள் கதையைப் பார்க்காமல், உங்கள் வீட்டுக்குள் வந்து பாருங்கள்” என்று உருக்கமாக வேண்டுகோள் விடுத்தார்.
-
இசைஞானியின் மந்திரம்: இயக்குநர்கள் சுகிர்தன் மற்றும் ஜெனோசன் பேசுகையில், “யாழ்ப்பாணத்து கிராமத்தில் ஒரு பேருந்து ஜன்னல் ஓரம் அமர்ந்து இளையராஜாவின் பாடல்களைக் கேட்டுக்கொண்டே பயணிக்கும் சுகமான அனுபவத்தை இந்தப் படம் தரும்” என உறுதி அளித்தனர்.
தொழில்நுட்பக் குழு & நடிகர் பட்டாளம்:
-
நடிப்பு: கயல் வின்சென்ட், டிஜே பானு, நிழல்கள் ரவி, அருள்தாஸ்.
-
இயக்கம்: சுகிர்தன் கிறிஸ்துராஜா & ஜெனோசன் ராஜேஷ்வர்.
-
ஒளிப்பதிவு: ரிஷி செல்வம் (கடலையும் அலையையும் தத்ரூபமாகப் படம் பிடித்துள்ளார்).
-
தயாரிப்பு: கலைவளரி சகா ரமணதாஸ், சுகந்தினி.
கடலையும் காதலையும் பின்னணியாகக் கொண்ட இந்த ‘அந்தோனி’, ஒரு தோணியாகக் கரை சேரும் என்ற நம்பிக்கையுடன் வரும் மார்ச் மாதம் திரைக்கு வரத் தயாராகிறது.
