மலாலா -வுக்கு ஆக்ஸ்போர்டு யுனிவர்சிட்டியில் இடம் கிடைச்சுடுச்சு!

பாகிஸ்தானைச் சேர்ந்த மனித உரிமைப்போராளியும், அமைதிக்கான நோபல் பரிசு வென்றவரு மான மலாலா யூசப்சாய்க்கு (20 வயது) லண்டனில் உள்ள உலகப்பிரசித்தி பெற்ற ஆக்ஸ்போர்டு பல்கலைக்கழகத்தில் படிக்க இடம் கிடைத்துள்ளது. தேர்வில் பல்கலைக்கழகத்தில் சேரத் தேவையான அளவுக்கு அவர் மதிப்பெண் பெற்றதால் அவருடைய இடம் உறுதி செய்யப்பட்டுள்ளது.

தற்போது லண்டனில் வசிக்கும் மலாலா ஐ.நா.வுக்கான நல்லெண்ண தூதராக உள்ளார். ஆக்ஸ்போர்டு பல்கலைக்கழகத்தில் படிக்க இடம் கிடைத்திருப்பது குறித்து அவர் தன் டுவிட்டர் பக்கத்தில், மகிழ்ச்சியை வெளிப்படுத்தி உள்ளார். மலாலாவின் தந்தை ஸியாதின் யூசப்சாயும் மகிழ்ச்சி தெரிவித்துள்ளார்.