தமிழ் குரல் / AI Voice
இந்தியாவின் மிகப்பெரிய பொதுத்துறை வங்கியான ஸ்டேட் பேங்க் ஆஃப் இந்தியா தனது வாடிக்கையாளர்களுக்கு அதிநவீன நிதிச் சேவைகளை வழங்கும் நோக்கில் புதிய ஆட்சேர்ப்பு அறிவிப்பை வெளியிட்டுள்ளது. வங்கித்துறையில் சாதனை படைக்க துடிக்கும் அனுபவமிக்க நிபுணர்களுக்கு இது பொன்னான வாய்ப்பாகப் பார்க்கப்படுகிறது.
ஒப்பந்த அடிப்படையிலான சிறப்புப் பிரிவு அலுவலர் நியமனம்
இந்த ஆட்சேர்ப்பு அறிவிப்பு சாதாரண பட்டதாரிகளுக்கான பொதுவான வங்கித் தேர்வு அல்ல. மாறாக, Wealth Management மற்றும் Premier Banking பிரிவுகளைக் குறிவைத்து அறிவிக்கப்பட்டுள்ள Specialist Cadre Officer பணியிடங்களாகும். அறிவிப்பு எண் CRPD/SCO/2026-27/23 இன் கீழ் வெளியாகியுள்ள இந்தப் பணியிடங்கள் மத்திய அரசின் நிரந்தரப் பணிகள் அல்ல என்றும், மாறாக வங்கியின் விதிமுறைகளின்படி Contract Basis முறையில் நிரப்பப்பட உள்ளதாகவும் அறிவிப்பில் தெளிவாகக் குறிப்பிடப்பட்டுள்ளது. பொதுத்துறை வங்கியின் கீழ் இயங்கும் என்பதால் வங்கித்துறையில் தங்களது திறமையை நிரூபிக்க விரும்பும் நிபுணர்களுக்கு இது ஒரு உயரிய தளமாகும்.
காலியிடங்களின் முழுமையான பகுப்பாய்வு
மொத்தம் அறிவிக்கப்பட்ட 207 பணியிடங்களில் பெரும்பாலான இடங்கள் உயர்நிலை வாடிக்கையாளர்களைக் கையாளும் வெல்த் மேனேஜ்மென்ட் பிரிவுகளுக்கே வழங்கப்பட்டுள்ளன. குறிப்பாக விபி வெல்த் பிரிவில் 91 இடங்களும், ஏவிபி வெல்த் பிரிவில் 73 இடங்களும் என மொத்தம் 164 இடங்கள் இந்தத் துறைக்கே ஒதுக்கப்பட்டுள்ளன. இது மொத்தக் காலியிடங்களில் சுமார் 79 சதவீதமாகும். மீதமுள்ள இடங்கள் ரிலேஷன்ஷிப் மேனேஜர், இன்வெஸ்ட்மென்ட் ஸ்பெஷலிஸ்ட், இன்வெஸ்ட்மென்ட் ஆபிசர் மற்றும் மண்டலத் தலைவர் பதவிகளுக்காகப் பிரிக்கப்பட்டுள்ளன.
சென்னை வட்டாரத்தில் காத்திருக்கும் வாய்ப்புகள்
நாடு முழுவதும் உள்ள பல்வேறு வட்டாரங்களில் இந்த இடங்கள் பரவிக் கிடக்கின்றன. அந்த வகையில் சென்னை வட்டாரத்தில் VP Wealth பிரிவுக்கு 6 இடங்களும், AVP Wealth பிரிவுக்கு 2 இடங்களும் என மொத்தம் 8 பணியிடங்கள் தமிழ்நாட்டைச் சேர்ந்த நிபுணர்களுக்காக ஒதுக்கப்பட்டுள்ளன. பெங்களூரு, ஹைதராபாத், புதுதில்லி, கொல்கத்தா போன்ற முக்கிய நகரங்களிலும் கணிசமான காலியிடங்கள் அறிவிக்கப்பட்டுள்ளன.
விண்ணப்பதாரர்கள் கவனிக்க வேண்டிய முக்கிய விதிமுறைகள்
இந்தப் பணிகளுக்கு விண்ணப்பிக்க விரும்பும் தகுதியானவர்கள் ஆன்லைன் வழியாக மட்டுமே விண்ணப்பிக்க முடியும். விண்ணப்பப் பதிவு கடந்த செப்டம்பர் 4 ஆம் தேதி தொடங்கி நடைபெற்று வருகிறது. விண்ணப்பிக்க விரும்பும் நபர்கள் செப்டம்பர் 25 ஆம் தேதிக்குள் உரிய ஆவணங்களுடன் விண்ணப்பங்களைச் சமர்ப்பிக்க வேண்டும். விண்ணப்பிக்கும்போது வட்டாரத் தேர்வில் (Circle Preference) மிகுந்த கவனம் செலுத்த வேண்டும் என்று வங்கி எச்சரித்துள்ளது. மேலும், கல்வித் தகுதி மற்றும் குறைந்தபட்ச அனுபவம் உள்ளவர்கள் மட்டுமே நேர்முகத் தேர்வுக்கு அழைக்கப்படுவார்கள் என்பதும் குறிப்பிடத்தக்கது.
தகுதியும் ஆர்வமும் உள்ள நிபுணர்கள் எஸ்பிஐ அதிகாரப்ர்வ இணையதளமான https://bank.sbi/web/careers என்ற பக்கத்தின் மூலம் முழுமையான விவரங்களை அறிந்து கொண்டு கடைசி தேதிக்குள் விண்ணப்பிக்கலாம்.
