மைக்ரோசாஃப்ட், ஆப்பிள் முதல் மெட்டா வரை: இன்று முதல் பங்குச் சந்தையை சூழப் போகும் ரிப்போர்ட்ஸ்!
அமெரிக்கப் பங்குச் சந்தை முதலீட்டாளர்கள் அனைவரும் மிகுந்த எதிர்பார்ப்புடன் காத்திருக்கும் ஒரு சில மணிநேரங்கள் இவை. மொத்தமாக சுமார் 15 ட்ரில்லியன் டாலர் (ரூ. 15,000 லட்சம் கோடிக்கும் அதிகம்) சந்தை மதிப்பு கொண்ட உலகின் மிகப்பெரிய தொழில்நுட்ப நிறுவனங்கள், வெறும் 36 மணி நேர இடைவெளியில் தங்களது சமீபத்திய காலாண்டு நிதி அறிக்கைகளை வெளியிட உள்ளன. இந்த வாரம் நாளை- அதாவது புதன்கிழமையும் (அக்டோபர் 29, 2025) வியாழக்கிழமையும் (அக்டோபர் 30, 2025) ஒரு முழுமையான சூறாவளியாக அமையப் போகிறது.
யார் எப்போது அறிக்கை சமர்ப்பிக்கிறார்கள்?
உலகின் மிக மதிப்புமிக்க ஐந்து பெரிய தொழில்நுட்ப நிறுவனங்களான ‘மேக்னிஃபிசென்ட் செவன்’ (Magnificent Seven) குழுவில் உள்ள ஐந்து ஜாம்பவான்களின் அறிக்கைகள் வெளிவருகின்றன:
ஏன் இந்த 36 மணிநேரம் முக்கியம்?
- AI செலவினத்தின் உண்மை நிலை: இந்த நிறுவனங்கள் அனைத்தும் செயற்கை நுண்ணறிவு (AI) ஆராய்ச்சிக்காகப் பல பில்லியன் டாலர்களை முதலீடு செய்து வருகின்றன. இந்த அறிக்கைகள், அந்தச் செலவினங்கள் இப்போது வருவாயாக (Revenue) மாறத் தொடங்கியுள்ளனவா, அல்லது இப்போதைக்குச் செலவுகளையே அதிகரித்துள்ளனவா என்பதைத் தெளிவுபடுத்தும்.
- சந்தை திசை: இந்த ஐந்து நிறுவனங்களின் மொத்த சந்தை மதிப்பு, ஒட்டுமொத்தப் பங்குச் சந்தை குறியீடுகளின் (S&P 500, Nasdaq) செயல்திறனில் ஆதிக்கம் செலுத்துகிறது. இவற்றில் ஏதேனும் ஒன்று ஏமாற்றமான முடிவுகளை வெளியிட்டால், அது ஒட்டுமொத்தச் சந்தையையும் பெருமளவில் பாதிக்கலாம்.
- கிளவுட் போர்: மைக்ரோசாஃப்டின் அஸ்யூர், கூகிள் கிளவுட், அமேசானின் AWS ஆகியவற்றுக்கு இடையேயான கிளவுட் சேவைகள் பிரிவில் யார் முன்னிலையில் உள்ளனர் மற்றும் AI-ஐப் பயன்படுத்துவதில் யார் வேகமாகச் செயல்படுகிறார்கள் என்பது தெளிவாகும்.
முதலீட்டாளர்கள், இந்த நிறுவனங்களின் நிகர லாபத்தை (Earnings Per Share – EPS) மட்டுமல்லாமல், எதிர்காலத்திற்கான அவற்றின் வருவாய் எதிர்பார்ப்புகள் (Guidance) மற்றும் AI உள்கட்டமைப்புக்கான முதலீட்டுத் திட்டங்களையும் உன்னிப்பாகக் கவனிப்பார்கள். இது வெறும் காலாண்டு அறிக்கை மட்டுமல்ல; இது உலகப் பொருளாதாரத்தின் எதிர்காலப் பாதையைத் தீர்மானிக்கும் ஒரு நிகழ்வு!
தமிழ்செல்வி
