நீரஜ் சோப்ரா புதிய சாதனை-90.23 மீ. தூரம் ஈட்டியை எறிந்த முதல் இந்தியர்!

நீரஜ் சோப்ரா, இந்தியாவின் முன்னணி ஈட்டி எறிதல் வீரர், தோஹா டைமண்ட் லீக் தொடரில் 90.23 மீட்டர் தூரம் ஈட்டியை எறிந்து புதிய சாதனை படைத்தார். இதன் மூலம் 90 மீட்டர் தூரத்தை எட்டிய முதல் இந்திய வீரராகவும், மூன்றாவது ஆசிய வீரராகவும், உலக அளவில் 25வது வீரராகவும் பதிவு செய்யப்பட்டார். இது அவரது முந்தைய சாதனையான 89.94 மீட்டரை (2022 ஸ்டாக்ஹோம் டைமண்ட் லீக்) முறியடித்தது. இருப்பினும், இப்போட்டியில் ஜெர்மனியின் ஜூலியன் வெபர் 91.06 மீட்டர் எறிந்து முதலிடம் பெற்றார், நீரஜ் இரண்டாம் இடம் பிடித்தார்.இரண்டு முறை ஒலிம்பிக்கில் பதக்கம் வென்ற அவர், 90+ மீட்டர் தூரத்தை கடந்து ஈட்டி எறிவது இதுவே முதல் முறை.

25 தடகள வீரர்கள் மட்டுமே 90+ மீட்டர் தூரத்தை கடந்து ஈட்டியை எறிந்துள்ளனர். நீரஜ், 25-வது வீரராக இந்த பட்டியலில் இணைந்துள்ளார். ஆசிய அளவில் இந்த சாதனையை படைத்துள்ள மூன்றாவது வீரர் ஆகியுள்ளார்.

“90+ மீட்டரை எட்டியதில் மகிழ்ச்சியடைகிறேன். எனது பயிற்சியாளர் ஜான் ஜெலெஸ்னி இன்று நான் 90+ மீட்டர் தூரம் ஈட்டியை எறியக்கூடிய நாள் என்று கூறினார். என்னால் முடியும் என நானும் நம்பினேன். அடுத்தடுத்த போட்டிகளில் இதை விட அதிக தூரம் ஈட்டியை எறிய முடியும் என்று நான் நம்புகிறேன். அது சார்ந்து எங்கள் பயிற்சி இருக்கும்” என்று நீரஜ் தெரிவித்தார்.

நீரஜ் சோப்ராவின் முக்கிய சாதனைகள்:

2021 டோக்கியோ ஒலிம்பிக்: தங்கப் பதக்கம் (இந்தியாவின் முதல் தடகள ஒலிம்பிக் தங்கம்).

2024 பாரீஸ் ஒலிம்பிக்: வெள்ளிப் பதக்கம்.

2016 இளையோர் உலக சாம்பியன்ஷிப்: 86.48 மீட்டர் எறிந்து உலக சாதனை.

2018 ஆசிய விளையாட்டு: தங்கப் பதக்கம்.

இரண்டு முறை உலக சாம்பியன்.

இந்த சாதனைக்காக பிரதமர் மோடி உள்ளிட்டோர் நீரஜை வாழ்த்தியுள்ளனர். இந்திய விளையாட்டு வரலாற்றில் முக்கிய மைல்கல்லாக இது கருதப்படுகிறது.