“‘அகண்டா 2: தாண்டவம்’ தமிழ் பத்திரிக்கையாளர் சந்திப்பில் நந்தமூரி பாலகிருஷ்ணா.”

‘காட் ஆஃப் மாஸஸ்’ நந்தமூரி பாலகிருஷ்ணா நடிப்பில் உருவாகியுள்ள பிரம்மாண்டத் திரைப்படமான “அகண்டா 2: தாண்டவம்” தமிழ் ரசிகர்களை மகிழ்விக்க, அதன் தெலுங்குப் பதிப்போடு இணைந்து, தமிழ்ப் பதிப்பும் வரும் டிசம்பர் 5ஆம் தேதி, திரையரங்குகளில் வெளியாகிறது.

தமிழ் பதிப்பின் வெளியீட்டை முன்னிட்டு, படக்குழுவினர் இன்று சென்னையில் பத்திரிகை மற்றும் ஊடக நண்பர்களைச் சந்தித்தனர். இந்நிகழ்வில் பேசியவர்கள், படம் வெறும் கமர்ஷியல் படைப்பு மட்டுமல்ல, அது இந்தியக் கலாச்சாரம் மற்றும் சனாதன தர்மத்தைப் போற்றும் ஆன்மீகப் படைப்பு என்று நெகிழ்ச்சியுடன் தெரிவித்தனர்.

🎙️ நடிகர் ஒய்.ஜி. மகேந்திரன் பேச்சு: “பாலைய்யா ஒரு சக்தி!”

நடிகர் ஒய்.ஜி. மகேந்திரன் பேசுகையில், “ஹைதராபாத்தில் படம் அளவுக்கு ஒரு பிரம்மாண்ட விழாவைப் பார்த்தேன். இப்படம் முழுக்க முழுக்க கூஸ்பம்ஸ் (Goosebumps) அனுபவம் தான்” என்று சிலிர்த்தார்.

• தனது கதாபாத்திரம்: இப்படத்தில் தனக்கு ஒரு துறவி கதாபாத்திரம் அமைந்தது சிவனின் அருள் என்றும், இயக்குநர் போயபாடி சீனு ஒரு அற்புதமான ரோலை தனக்கு வழங்கியதாகவும் கூறினார்.

• இயக்குநருக்குப் பாராட்டு: தமிழில் ஏ.பி. நாகராஜுக்குப் பின் பிரம்மாண்டப் படம் எடுக்க ஆளில்லை என்ற ஏக்கத்தைப் போக்க வந்திருக்கிறார் இயக்குநர் போயபாடி ஸ்ரீனு என்றும், அவர் மிகச்சிறந்த இயக்குநர்களில் ஒருவராகக் கொண்டாடப்படுவார் என்றும் பாராட்டினார்.

• பாலகிருஷ்ணாவின் உழைப்பு: பாலைய்யா ஒரு நடிகர் மட்டுமல்ல, அவர் ஒரு சக்தி; அவர் மாதிரி இப்போது எந்த ஒரு நடிகரும் இயங்க முடியாது. மைனஸ் 10 டிகிரியில், வெறும் உடலுடன், எந்த சிஜி (CG) உதவியும் இல்லாமல் ஜார்ஜியாவில் நடித்தார்.

• பான் இந்தியா படைப்பு: இது ஒரு பக்கா கமர்ஷியல் படம் என்றாலும், இது மொழி தாண்டிய ஒரு பான் இந்திய திரைப்படம், நம் இந்திய கலாச்சாரத்தை கொண்டாடும் படைப்பு என்றும், இது தனக்கு மிகப்பெரும் பெருமை என்றும் தெரிவித்தார்.

🎤 நடிகை விஜி சந்திரசேகர் பேச்சு: “சிவனின் அருள் போல வந்தது”

நடிகை விஜி சந்திரசேகர், ஹைதராபாத் விழாவில் கலந்துகொள்ள முடியாததால், சென்னையில் விழா நடக்கிறது என்றவுடன் ஷூட்டிங்கில் இருந்து சொல்லிவிட்டு வந்ததாகக் கூறினார்.

• தெய்வீக அனுபவம்: “அகண்டா 2 படத்தில் நான் எப்படி வந்தேன் என்றே தெரியவில்லை. அந்தப் படத்தில் நடித்தது சிவனின் அருள், எனக்குள் வந்த மாதிரி இருந்தது” என்று நெகிழ்ந்தார்.

• பாலாவுடனான உழைப்பு: வெட்ட வெளியில் செருப்பு கூட இல்லாமல் அவர் உழைத்த உழைப்பை நேரில் பார்த்துப் பிரமித்ததாகவும், சிவன் இப்படித்தான் இருப்பார் என என் பேரக்குழந்தைகளுக்கு பாலைய்யா சாரைக் காட்டிச் சொல்வேன் என்றும் புகழாரம் சூட்டினார்.

• இசை மற்றும் இயக்கம்: தமன் அதிரடியான இசையைத் தந்துள்ளார். கமர்ஷியல் தாண்டி தெய்வீகத்தை தர போயபாடி ஸ்ரீனுவால் தான் முடியும் என்றார்.

🎥 இயக்குநர் போயபாடி ஸ்ரீனு: “இது இந்தியாவின் ஆன்மா”

இயக்குநர் போயபாடி ஸ்ரீனு பேசுகையில், “அகண்டா தெலுங்கு மொழிக்கான படமல்ல, அதே போலத்தான் அகண்டா 2-வும். இது இந்துக்கள் மற்றும் இந்தியாவின் ஆன்மாவை, ஆன்மிகத்தை கொண்டாடும் படம்” என்று தெரிவித்தார்.

• “தெலுங்கு, தமிழ் என எல்லோருக்குமான படம். பாரதம் முழுக்க உள்ள அனைவரும் இப்படத்தைக் கொண்டாடுவார்கள்.”

• “தேகம், தேசம், தெய்வம் என எல்லாவற்றிற்குமான படம். ஆனால், அதை கமர்ஷியலாகத் தந்துள்ளோம்” என்று உறுதி அளித்தார்.

👑 நந்தமூரி பாலகிருஷ்ணா பேச்சு: “சென்னை என் ஜென்ம பூமி”

நந்தமூரி பாலகிருஷ்ணா தனது பேச்சை, “என் சொந்த வீட்டுக்கு வந்தது போல உள்ளது” என்று தொடங்கினார்.

• தமிழ்நாட்டுடனான பிணைப்பு: “நான் இங்கு தான் பிறந்தேன். சென்னை என் ஜென்ம பூமி, ஆந்திரா ஆத்ம பூமி.” என்றும், “என் உயிருக்கு இணையான தமிழ் நண்பர்களுக்கும், ரசிகர்களுக்கும் என் நன்றிகள்” என்றும் கூறினார்.

• என்.டி.ஆர். நினைவுகள்: தனது அப்பா என்.டி.ஆரின் வாழ்க்கை இங்குதான் நடந்தது என்றும், மக்கள் திலகம் எம்.ஜி.ஆர். மற்றும் நடிகர் திலகம் சிவாஜியுடன் அவரது நட்பு ஆழமானது என்றும் நினைவு கூர்ந்தார்.

• படத்தின் நோக்கம்: இது சீக்குவல் இல்லை. இது இந்து தர்மத்தை, கலாச்சாரத்தை போற்றும் ஒரு படைப்பு. சனாதன தர்மத்தை அடுத்த தலைமுறை தெரிந்துகொள்ள ஒரு வாய்ப்பு இந்தப் படம்.

• தொடர் வெற்றி: போயபாடி ஸ்ரீனுவுடன் இது தனக்கு நான்காவது படம் என்றும், எல்லாமே சூப்பர் ஹிட் என்றும், ரசிகர்கள் இம்மாதிரி படங்களுக்குக் காத்திருக்கிறார்கள் என்றும் நம்பிக்கை தெரிவித்தார்.

⚙️ தொழில்நுட்பச் சிறப்பு

தயாரிப்பாளர்கள் ராம் ஆசம்டா, கோபிசந்த் ஆசம்டா தயாரிப்பில், 14 ரீல்ஸ் ப்ளஸ் பேனரில், M. தேஜஸ்வினி நந்தமூரி வழங்குகிறார்கள்.

• ஒளிப்பதிவு (C. ராம்பிரசாத், சந்தோஷ் D டெடாகே): ஒவ்வொரு ஃபிரேமிலும் பெரும் பிரம்மாண்டத்தையும், அற்புதமான உலகையும் உருவாக்கியுள்ளனர்.

• இசை (தமன் S): அதிரடி பின்னணி இசை தெய்வீக தாளம் போல காட்சிகளின் தாக்கத்தை உயர்த்துகிறது.

• நடிகர்கள்: ஆதிப் பினிசெட்டி வலுவான வில்லனாக வருகிறார்; சம்யுக்தா நாயகியாக நடித்துள்ளார்.

அகண்டா 2 – தாண்டவம் திரைப்படம் வரும் டிசம்பர் 5 ஆம் தேதி திரையரங்குகளில் வெளியாகிறது.

படக்குழு விவரங்கள்: