மெஃப்டால்’ வலி நிவாரணி மாத்திரைகளால் மோசமான எதிர்விளைவுகள்!- அரசு எச்சரிக்கை

மெஃப்டால்’ வலி நிவாரணி மாத்திரைகளால் மோசமான எதிர்விளைவுகள்!- அரசு எச்சரிக்கை

ல பெண்களுக்கு, மாதவிடாய் சுழற்சியானது வலிமிகுந்த பிடிப்புகளுடன் சேர்ந்து, அன்றாட செயல்பாடுகளை மட்டும் பாதிக்காமல்,தாங்குவது மிகவும் கடினமாக இருக்கும். அத்தகைய சூழ்நிலையில், வலியைக் குறைக்க பயன்படுத்தப்படும் ‘மெஃப்டால்’ வலி நிவாரணி மாத்திரைகளால் மோசமான எதிர்விளைவுகள் ஏற்பட வாய்ப்புள்ளதாக மத்திய அரசு எச்சரிக்கை விடுத்துள்ளது.

நம் நாட்டில் பெண்களின் மாதவிடாய் பிடிப்புகள் மற்றும் முடக்கு வாதத்தால் ஏற்படும் வலிகளுக்கு பொதுவாக பரிந்துரைக்கப்படும் வலி நிவாரணியாக மெஃப்டால் உள்ளது. இந்த மாத்திரை விரைவான மற்றும் நீண்ட நேரம் நிவாரணம் அளிப்பது குறிப்பிடத்தக்கது. மெஃப்டால் ஸ்பாஸ் மாத்திரை என்பது டைசைக்ளோமைன் மற்றும் மெஃபெனாமிக் அமிலம் ஆகிய இரண்டு மருந்துகளின் கலவையாகும், இது திடீர் தசைச் சுருக்கங்களைத் தடுக்க உதவுகிறது. இதன் காரணமாக, மாதவிடாயின் போது ஏற்படும் பிடிப்புகள், வலி, வீக்கம் மற்றும் அசௌகரியம் ஆகியவற்றிலிருந்து நிவாரணம் அளிக்கிறது. இந்த நிலையில் இந்திய மருந்தியல் ஆணையம் (ஐபிசி) இந்த வலிநிவாரணியைப் பயன்படுத்த வேண்டாம் என எச்சரிக்கை விடுத்துள்ளது.

இந்தியாவில் பயன்பாட்டில் உள்ள மருந்துப் பொருட்களில் உள்ள எதிர்வினைகள் மற்றும் பாதகங்களை குறித்து ஆய்வு செய்யும் இந்திய பார்மாகோவிஜிலன்ஸ் திட்டம் (PvPI), தனது ‘முதற்கட்ட ஆய்வில்’ மெஃப்டால் மருந்தால் ரத்தத்தில் அளவுக்கு அதிகமான வெள்ளை அணுக்கள் (Eosinophils) உருவாக வாய்ப்பு உள்ளதாகத் தெரிவித்துள்ளது.அதேபோல், தோல் எரிச்சல், காய்ச்சல் போன்ற அறிகுறிகள் மாத்திரை உட்கொண்ட 2 முதல் 8 வாரங்களுக்கு பின் தோன்ற வாய்ப்புள்ளது என்றும் தெரிவித்துள்ளது. அதன் காரணமாக மருத்துவர்கள் அறிவுறுத்தல் இல்லாமல், வலி எழும்போதெல்லாம் இந்த மாத்திரைகளைப் பயன்படுத்த வேண்டாம் என அறிவுறுத்தப்பட்டுள்ளது.

Related Posts

error: Content is protected !!