⭐️ திரை விமர்சனம்: ‘ஆரோமலே’!
இயக்குநர்: சரங் தியாகு
💖 தலைப்பின் பொருள் மற்றும் அடிப்படை நோக்கம்
‘ஆரோமலே’ என்ற மலையாளச் சொல்லுக்கு, ‘என் அன்புக்குரிய…’ என்று பொருள். இந்தப் படம், கனவுலகக் காதல்களில் மூழ்கியிருக்கும் புதிய தலைமுறை இளைஞர்களுக்கு, நிதர்சனமான காதலின் உண்மை என்ன என்பதை உணர்த்த முனைகிறது.
படத்தின் மேன்மையான ஒற்றை வரி: காதல் என்பது நிபந்தனையற்றதாக இருக்க வேண்டும்; துணையின் முந்தைய இரகசியங்களை நோண்டாதே. ஏனெனில், “சமயம் வரும்போது அவர்களே சொல்வார்கள்; இல்லாவிட்டால், அந்த இரகசியம் உனக்கும் தேவையற்றது.” என்ற முதிர்ச்சியான தத்துவத்தை இப்படம் அடிப்படை நோக்கமாக்கிக் கொண்டுள்ளது.
🎬 கதைக்கருவும் கதைச் சுருக்கமும்
பள்ளிப் பருவம் முதல் கல்லூரி காலம் வரை, கிஷன் தாஸ் மற்றும் அவரது நண்பர் உர்விஷ் கானுடன் இணைந்து வாழ்ந்த காதல் தேடல்கள், தொடர் தோல்வி காதலாகவே அமைந்துள்ளன. தோல்விகளால் துவண்டு போகும் கின் தாஸ், தன் தந்தையின் மேட்ரிமோனியல் அலுவலகத்தில் வேலைக்குச் செல்ல ஆரம்பிக்கிறான்.
அங்கு சீனியர் மேனேஜராக இருக்கும் விவாமிதாவுடன் பழக்கம் ஏற்படுகிறது. ஆரம்ப மோதலில் தொடங்கும் இவர்களது நட்பு, பின்னர் நல்லதொரு புரிதலுக்குச் செல்கிறது. இறுதியில், இந்தக் காதலாவது கிஷன் தாஸுக்குக் கைகொடுத்ததா? நிஜக் காதல் என்பது என்ன என்பதை அவன் புரிந்து கொண்டானா? என்பது இரண்டாம் பாதியில் உணர்வுபூர்வமாகக் காட்சிப்படுத்தப்பட்டுள்ளது.
🎭 நடிப்பு மற்றும் தொழில்நுட்பம்
* கிஷன் தாஸ்: நாயகன் கிஷன் தாஸ் அழகாக இருக்கிறார், கலகலப்பான இளைஞர் வேடத்தை சிறப்பாக செய்திருக்கிறார். நாயகி சிவாத்மிகா முதல் முறையாக தனக்கு சரியான ஒரு வேடத்தை தேர்ந்தெடுத்து அதனை மிக சிறப்பாக செய்திருக்கிறார்
* ஷிவாத்மிகா ராஜசேகர் : புலிக்கு பிறந்தது பூனையாகுமா என்பதை போல் இவரின் நடிப்பு சிறப்பாக உள்ளது. காதல், கம்பெனியின் தலைமை அதிகாரி என கேரக்டரை உள் வாங்கி நடித்துள்ளார். குறிப்பிட்டு சொல்வதானால் ஸ்ரிக்ட் & கடுகடு மேனேஜராக’ ஒரு பக்கம், “என் வாழ்க்கையை நானே சரி செய்வேன்” என்று உறுதியாகப் பேசும் இன்னொரு பக்கம் என முதிர்ச்சியான நடிப்பை வழங்கி ஸ்கோர் செய்திருக்கிறார்.
- விடி கணேஷ்: காமெடி கலந்த சின்ன சின்ன சென்டிமென்ட் காட்சிகளிலும் ரசிக்க வைத்திருக்கிறார்.
- இசை: சித்துகுமாரின் இசையில், பாடல்கள் இனிமையாக இருந்தாலும், பின்னணி இசை சற்று இருண்ட (டல்லான) தொனியிலேயே இருந்தது.
- ஒளிப்பதிவு: கெதரம் ராஜேந்திரனின் ஒளிப்பதிவு காட்சிகளை அழகாகவும் தெளிவாகவும் காட்சிப்படுத்தியிருக்கிறது.
💔 உயர்ந்த நோக்கம், தொய்வான திரைக்கதை
இயக்குநர் சரங் தியாகு, காதல் என்பது வெறும் பணிவு காட்டுவதோ, கனிவு காட்டுவதோ அல்ல என்பதை மிக அழகான காட்சிகளுடன் உணர்த்த முயன்றுள்ளார். கடினமான ஒரு கதையை மெல்லிய நூல் போலப் படத்தின் தாக்கம் முழுவதும் எடுத்துச் சென்றிருக்கிறார்.
ஆனால், இங்கேதான் சிக்கல்: நிதர்சனத்தின் உண்மையையும், நிபந்தனையற்ற அன்பின் முக்கியத்துவத்தையும் எடுத்துக்கொண்ட இப்படம், ஒரு கட்டத்தில் முந்தைய காலத்து காதல் சினிமாக்களைப் போலவே தேவையற்று இழுத்துச் செல்லப்படுகிறது. ஆழமான தத்துவத்துடன் ஆரம்பிக்கப்பட்ட திரைக்கதை, நீளத்தாலும், தொய்வாலும் ரசிகர்களின் ஆர்வத்தைப் பல இடங்களில் சோதிக்கிறது.
✨ மொத்தத்தில்: ஆரோமலே
‘என் அன்புக்குரிய…’ என்ற வார்த்தைக்குள் ஒளிந்திருக்கும் நிபந்தனையற்ற காதலைப் பற்றிய மிகச் சிறந்த கருத்தைக் கொண்ட படம். ஆனால், அந்தக் கருத்தை முழுமையாக ரசிக்க விடாமல், தேவையற்ற நீளமும் தொய்வான திரைக்கதையும் தடுத்து நிறுத்துகின்றன. இருப்பினும், காதலைப் புதிய கோணத்தில் அணுகிய விதத்துக்காக ஒருமுறை பார்க்கலாம்.
மார்க்: 2.5/5
