32°C
விளம்பரம்
Advertisement

இந்தியாவில் செயல்பட்டு வரும் 20 பல்கலைக்கழகங்கள் போலியானவை – யு.ஜி.சி அதிர்ச்சி தகவல்!.

admin சேலம் Published: August 3, 2023 2 நிமிட வாசிப்பு Exclusive
எழுத்து அளவு:

செய்தியைக் கேட்க
தமிழ் குரல் / AI Voice



ஆண்டு தோறும் கல்வி அமர்வு தொடங்குவதற்கு முன்பு, பல்கலைக்கழக மானியக் குழு (யுஜிசி) தங்களால் போலி என்று அழைக்கப்பட்ட பல்கலைக்கழகங்களின் பட்டியலை வெளியிடுகிறது. இந்த நிலையில் நடப்பாண்டு, 20 பல்கலைக்கழகங்கள் எந்த பட்டமும் வழங்க அதிகாரம் இல்லாத பட்டியலில் உள்ளன. இதில், டெல்லியில் அதிக எண்ணிக்கையிலான (எட்டு) இத்தகைய நிறுவனங்கள் உள்ளன.

இது குறித்து யுஜிசி செயலாளர் மணீஷ் ஜோஷி, “யுஜிசி சட்டத்தின் விதிகளுக்கு மாறாக பல நிறுவனங்கள் பட்டங்களை வழங்குவது யுஜிசியின் கவனத்திற்கு வந்துள்ளது. அத்தகைய பல்கலைக்கழகங்களால் வழங்கப்படும் பட்டங்கள் உயர்கல்வி அல்லது வேலைவாய்ப்பு நோக்கத்திற்காக அங்கீகரிக்கப்படவோ செல்லுபடியாகவோ இருக்காது. இந்தப் பல்கலைக்கழகங்களுக்கு எந்தப் பட்டமும் வழங்க அதிகாரம் இல்லை” எனத் தெரிவித்துள்ளார்.

இதில் டெல்லியில் உள்ள அகில இந்திய பொது மற்றும் உடல் நல அறிவியல் நிறுவனம், இந்திய அறிவியல் மற்றும் பொறியியல் நிறுவனம், வணிக பல்கலைக்கழகம் லிமிடெட், தர்யாகஞ்ச் கமர்ஷியல் யுனிவர்சிட்டி லிமிடெட், ஐக்கிய நாடுகளின் பல்கலைக்கழகம், அத்யாத்மிக் விஸ்வவித்யாலயா (ஆன்மீக பல்கலைக்கழகம்), ஏடிஆர்-மைய ஜூரிடிகல் உள்ளிட்ட 8 பல்கலைக்கழகங்களும், உத்தரப்பிரதேசத்தில் காந்தி ஹிந்தி வித்யாபீடம், எலக்ட்ரோ காம்ப்ளக்ஸ் ஹோமியோபதி தேசிய பல்கலைக்கழகம், நேதாஜி சுபாஷ் சந்திரபோஸ் பல்கலைக்கழகம், பாரதிய சிக்ஷா பரிஷத் உள்ளிட்ட 4 பல்கலைக்கழகங்களும், இதே போல் மேற்கு வங்கம், கர்நாடகா, மகாராஷ்டிரா, புதுச்சேரி உள்ளிட்ட மாநிலங்களிலும் போலியான பல்கலைக்கழகங்கள் உள்ளன என அறிவிக்கப்பட்டுள்ளது.

இந்த போலி பல்கலைக்கழகங்கள் வழங்கும் பட்டங்கள் செல்லாது என்றும், பட்டம் வழங்குவதற்கான அதிகாரம் அவைகளுக்கு கிடையாது என்றும் யு.ஜி.சி தெரிவித்துள்ளது.முழுமையான பட்டியல் UGCயின் அதிகாரப்பூர்வ இணையதளத்தில் உள்ளது

admin
சேலம்

செய்தியாளர் குழு. உடனுக்குடன் உண்மைச் செய்திகளை வழங்கும் முன்னணி செய்தியாளர்.

உடனடி செய்திகள்