நபார்டு வங்கியில் வேலை: 162 காலிப் பணியிடங்கள் – முழு விவரம்!

மத்திய அரசின் கீழ் இயங்கும் தேசிய வேளாண்மை மற்றும் ஊரக வளர்ச்சி வங்கி (NABARD), தற்போது 2026-ஆம் ஆண்டிற்கான டெவலப்மெண்ட் அசிஸ்டண்ட் மற்றும் டெவலப்மெண்ட் அசிஸ்டண்ட் (ஹிந்தி) பணியிடங்களை நிரப்புவதற்கான அதிகாரப்பூர்வ அறிவிப்பை வெளியிட்டுள்ளது. வங்கித் துறையில் கால்பதிக்கத் துடிக்கும் இளைஞர்களுக்கு, குறிப்பாகக் கிராமப்புற மேம்பாட்டில் ஆர்வமுள்ளவர்களுக்கு இது ஒரு மிகச்சிறந்த வாய்ப்பாகும். நாடு முழுவதும் மொத்தம் 162 காலியிடங்கள் அறிவிக்கப்பட்டுள்ள நிலையில், இதற்கான விண்ணப்பச் செயல்முறை மற்றும் தகுதிகள் குறித்த முழுமையான விவரங்களை இங்கே காணலாம்.

காலியிடங்கள் விவரம்:

• Development Assistant: 159 பணியிடங்கள்

• Development Assistant (Hindi): 03 பணியிடங்கள் மொத்தம்: 162 பணியிடங்கள்.

முக்கிய நிபந்தனை: விண்ணப்பதாரர்கள் ஏதேனும் ஒரு மாநிலத்திற்கு மட்டுமே விண்ணப்பிக்க முடியும். நீங்கள் விண்ணப்பிக்கும் மாநிலத்தின் வட்டார மொழியில் (உதாரணமாக தமிழகத்திற்குத் தமிழ்) சரளமாகப் பேச, எழுத மற்றும் படிக்கத் தெரிந்திருக்க வேண்டியது அவசியம். ஏனெனில், இதற்காகத் தனியாக மொழித் தகுதித் தேர்வு நடத்தப்படும்.

கல்வித் தகுதி:

• டெவலப்மெண்ட் அசிஸ்டண்ட்: அங்கீகரிக்கப்பட்ட பல்கலைக்கழகத்தில் ஏதேனும் ஒரு பட்டப்படிப்பு (Degree) முடித்திருக்க வேண்டும்.

• டெவலப்மெண்ட் அசிஸ்டண்ட் (ஹிந்தி): பட்டப்படிப்பில் ஹிந்தியை ஒரு பாடமாகவோ அல்லது ஹிந்தி வழிக் கல்வியிலோ பயின்று தேர்ச்சி பெற்றிருக்க வேண்டும்.

வயது வரம்பு (01.01.2026 அன்று):

• விண்ணப்பதாரர்கள் 21 முதல் 35 வயதிற்குள் இருக்க வேண்டும்.

• அரசு விதிமுறைப்படி வயதுத் தளர்வு:

  • SC / ST பிரிவினருக்கு – 5 ஆண்டுகள்

  • OBC பிரிவினருக்கு – 3 ஆண்டுகள்

  • மாற்றுத்திறனாளிகளுக்கு (PWD) – 10 ஆண்டுகள்

சம்பளம்: தேர்ந்தெடுக்கப்படும் பணியாளர்களுக்கு மாதம் சுமார் ரூ. 46,500/- வரை ஊதியம் வழங்கப்படும்.

தேர்வு செய்யப்படும் முறை: இந்தப் பணிகளுக்கு நேர்முகத் தேர்வு (Interview) கிடையாது. முற்றிலும் ஆன்லைன் தேர்வுகள் மூலம் மட்டுமே தகுதியானவர்கள் தேர்வு செய்யப்படுவர்.

1. முதல்நிலைத் தேர்வு (Preliminary Exam): 100 மதிப்பெண்கள் (ஆங்கிலம், திறனறிதல், கணிதம்). இது தகுதித் தேர்வு மட்டுமே.

2. முதன்மைத் தேர்வு (Main Exam): 200 மதிப்பெண்கள். இதில் பெறும் மதிப்பெண்களே வேலைவாய்ப்பைத் தீர்மானிக்கும். ஆங்கிலக் கட்டுரை எழுதும் தேர்வும் இதில் அடங்கும்.

3. வட்டார மொழித் தேர்வு (LPT): சான்றிதழ் சரிபார்ப்புக்குப் பின் இது நடைபெறும்.

விண்ணப்பக் கட்டணம்:

• பொதுப் பிரிவு, OBC மற்றும் EWS பிரிவினருக்கு: ரூ. 550/-

• SC, ST, மாற்றுத்திறனாளிகள் மற்றும் முன்னாள் ராணுவத்தினர்: ரூ. 100/- (நிர்வாகக் கட்டணம் மட்டும்)

விண்ணப்பிக்கும் முறை: தகுதியுள்ளவர்கள் https://ibpsreg.ibps.in/nabhindec25/ என்ற இணையதளப் பக்கம் வாயிலாக ஆன்லைனில் மட்டுமே விண்ணப்பிக்க முடியும்.

முக்கியத் தேதிகள்:

• ஆன்லைனில் விண்ணப்பிக்கத் தொடங்கிய நாள்: 17.01.2026

• விண்ணப்பிக்கக் கடைசித் தேதி: 03.02.2026

வங்கித் தேர்வுகளுக்குத் தயாராகிக் கொண்டிருப்பவர்கள் இந்த அரிய வாய்ப்பைப் பயன்படுத்தி, பிப்ரவரி 3-ஆம் தேதிக்குள் விண்ணப்பிக்குமாறு கேட்டுக் கொள்ளப்படுகிறார்கள்.