AanthaiReporter.Com | Tamil Multimedia News Web ⚡ AMP

அமெரிக்காவில் டிரம்ப் வெடிகுண்டு:கிரீன் கார்டு விண்ணப்பதாரர்கள் வெளியேற உத்தரவு!

By admin | May 23, 2026

அமெரிக்காவில் தங்கிப் படித்து, வேலை செய்து, அங்கேயே நிரந்தரக் குடியுரிமை (Green Card) பெற்றுவிடலாம் என்ற உலகெங்கிலும் உள்ள லட்சக்கணக்கான வெளிநாட்டினரின் கனவில் பேரிடி விழுந்துள்ளது. அமெரிக்க அதிபர் டிரம்ப் தலைமையிலான நிர்வாகம், குடியேற்ற விதிகளில் இதுவரை இல்லாத அளவுக்கு மிகப்பெரிய அதிரடி மாற்றத்தைப் புகுத்தியுள்ளது. தற்காலிக விசாக்களில் அமெரிக்காவில் தங்கியிருக்கும் லட்சக்கணக்கான விண்ணப்பதாரர்களை இந்த உத்தரவு நேரடியாகப் பாதித்துள்ளது.

60 ஆண்டுக்கால நடைமுறைக்கு முற்றுப்புள்ளி

அமெரிக்காவில் கடந்த 60 ஆண்டுகளுக்கும் மேலாக ஒரு சட்டப்பூர்வமான எளிய வழிமுறை புழக்கத்தில் இருந்தது. அதன் பெயர் ‘அட்ஜஸ்ட்மென்ட் ஆஃப் ஸ்டேட்டஸ்’ (Adjustment of Status).

மாணவர்களும் தற்காலிகப் பணியாளர்களும் எதிர்கொள்ளும் நெருக்கடி

இந்த அதிரடி விதியால் அமெரிக்காவில் சட்டப்பூர்வமாக வரி செலுத்தி, அமைதியாக வாழ்ந்து வரும் நடுத்தர வர்க்கத்தினர் பெருமளவில் பாதிக்கப்படவுள்ளனர்.

குடும்பங்களைப் பிரிக்கும் விசா தடைகளின் கொடூரம்

இந்த உத்தரவின் மிகக் கொடூரமான பக்கமாகப் பார்க்கப்படுவது, இது அமெரிக்கக் குடிமக்களின் குடும்ப உறவுகளையும் சிதைக்கும் வகையில் அமைந்துள்ளதுதான்.

உறவுகளுக்குள் அரண்: அமெரிக்கக் குடிமக்களை முறைப்படி திருமணம் செய்துகொண்ட வெளிநாட்டுத் தம்பதிகள் (கணவன்/மனைவி) மற்றும் அவர்களது குழந்தைகளுக்குக் கூட இந்த விதியில் விதிவிலக்கு அளிக்கப்படவில்லை. அவர்களும் அமெரிக்க மண்ணை விட்டு வெளியேறி, சொந்த நாட்டிற்குச் சென்றே விண்ணப்பிக்க வேண்டும்.

ஏற்கனவே டிரம்ப் நிர்வாகம் பாதுகாப்பு மற்றும் குடியேற்றக் கட்டுப்பாடுகள் என்ற பெயரில் பல நாடுகளுக்குப் பல்வேறு விசா தடைகளை விதித்துள்ளது. இந்தச் சூழலில், சொந்த நாட்டிற்குத் திரும்பும் விண்ணப்பதாரர்கள், அந்த விசா தடைகளின் பிடியில் சிக்கிக் கொண்டால், தங்களின் குடும்பங்களை விட்டு காலவரையறையின்றிப் பிரிய நேரிடும் என்று குடியேற்ற விவகார வழக்கறிஞர்கள் எச்சரிக்கின்றனர்.

மனித உரிமை அமைப்புகளின் கடுமையான கண்டனம்

டிரம்ப் நிர்வாகத்தின் இந்த அதிரடிப் பாய்ச்சலுக்கு அமெரிக்காவிற்குள்ளேயே மனித உரிமை அமைப்புகளிடமிருந்தும், குடியேற்ற ஆதரவு அமைப்புகளிடமிருந்தும் பலத்த எதிர்ப்புக் கிளம்பியுள்ளது.

அமெரிக்கச் சட்டப் பேரவைகளிலும், நீதிமன்றங்களிலும் இந்த விவகாரம் அடுத்தடுத்த கட்ட விவாதங்களை நோக்கி நகர்ந்து வரும் நிலையில், அங்கு வாழும் லட்சக்கணக்கான வெளிநாட்டினரின் அன்றாட வாழ்க்கை தற்போதைக்குத் தத்தளிப்பில் ஆழ்ந்துள்ளது என்பது மட்டும் கசப்பான உண்மை!

தமிழ்செல்வி