AanthaiReporter.Com | Tamil Multimedia News Web ⚡ AMP

செல்வராகவன் மிரட்டும் ‘மனிதன் தெய்வமாகலாம்’ கதை இதுதான்!

By admin | Mar 11, 2026

தமிழ் சினிமாவின் முன்னணி இயக்குநர்களில் ஒருவரான செல்வராகவன், இப்போது நடிகராகவும் முத்திரை பதித்து வருகிறார். அந்த வகையில், வ்யோம் என்டர்டெயின்மென்ட்ஸ் சார்பில் விஜயா சதிஷ் மற்றும் ஆர்.எஸ்.சதிஷ் தயாரிப்பில், டென்னிஸ் மஞ்சுநாத் இயக்கத்தில் செல்வராகவன் நடித்திருக்கும் திரைப்படம் ‘மனிதன் தெய்வமாகலாம்’. இப்படத்தின் டீசர் அண்மையில் வெளியாகி, 20 லட்சம் (2 Million) பார்வையாளர்களைக் கடந்து இணையத்தில் தீயாய் பரவி வருகிறது.

யார் இந்தத் தெய்வம்? – இயக்குநர் டென்னிஸ் மஞ்சுநாத் விளக்கம்

படம் குறித்து இயக்குநர் டென்னிஸ் மஞ்சுநாத் பகிர்ந்த தகவல்கள் படத்தின் மீதான எதிர்பார்ப்பை எகிற வைத்துள்ளன:

செல்வராகவன் எனும் எளிய மனிதன்:

“இந்தக் கதாபாத்திரத்திற்கு எத்தனை முறை அடித்தாலும் மீண்டும் எழ முடியாத ஒரு பலவீனமான கிராமத்து மனிதர் தேவைப்பட்டார். அந்த உருவத்திற்கு செல்வா சார் சரியாகப் பொருந்தினார். அவரிடம் கதை சொன்னபோது, சில நாட்கள் எடுத்து முழுத் திரைக்கதையையும் படித்துவிட்டு, இது ஒரு அழுத்தமான வாழ்வியல் பதிவு என்று கூறி சம்மதித்தார்” என இயக்குநர் நெகிழ்ச்சியுடன் குறிப்பிட்டார்.

தயாரிப்பாளர் ஆர்.எஸ்.சதிஷ் நெகிழ்ச்சி

தயாரிப்பாளரும் நடிகருமான ஆர்.எஸ்.சதிஷ் இந்தப் படம் குறித்துப் பேசுகையில், “வாழ்வில் முன்னேறத் துடிக்கும் ஒரு சாதாரண மனிதன் சந்திக்கும் சவால்களை இயக்குநர் டென்னிஸ் மஞ்சுநாத் மிகவும் யதார்த்தமாகப் படமாக்கியுள்ளார். இதற்காக அவர் பெரும் உழைப்பைக் கொடுத்துள்ளார். இப்படத்தில் செல்வராகவன், நாயகி குஷி ரவி, கௌசல்யா மேடம் மற்றும் ஊட்டியைச் சேர்ந்த சிறுமி லிர்த்திகா என அனைவரும் தங்களின் பங்களிப்பைச் சிறப்பாக வழங்கியுள்ளனர். இது வெறும் விழிப்புணர்வுப் படமாக மட்டுமில்லாமல், குடும்பத்தோடு அமர்ந்து ரசிக்கக்கூடிய ஒரு தரமான படைப்பாகவும் இருக்கும்,” என்று பெருமிதத்துடன் தெரிவித்தார்.

நடிகர் மற்றும் தொழில்நுட்பக் கலைஞர்கள்:

விரைவில் திரையரங்குகளில்…

ஏ.கே.பிரியன் இசையிலும், ரவி வர்மா.கே ஒளிப்பதிவிலும் உருவாகியுள்ள இப்படத்தின் அனைத்துப் பணிகளும் நிறைவடைந்துள்ளன. குடும்பங்கள் கொண்டாடும் படமாகவும், அதே சமயம் அழுத்தமான விழிப்புணர்வு தரும் படைப்பாகவும் உருவாகியுள்ள ‘மனிதன் தெய்வமாகலாம்’ வரும் ஏப்ரல் மாதம் உலகெங்கும் திரையரங்குகளில் வெளியாகத் திட்டமிடப்பட்டுள்ளது.