AanthaiReporter.Com | Tamil Multimedia News Web ⚡ AMP

தடயம் -வெப் சீரிஸ் விமர்சனம்: ரத்தமும் சதையுமான ஓர் உண்மை வேட்டை!

By admin | Feb 27, 2026

ஓடிடி தளங்களில் தரமான படைப்புகளை வழங்குவதில் ஜாம்பவனாக இருக்கும் ZEE5, பிப்ரவரி 27-ஆம் தேதியான இன்று சமுத்திரக்கனி மற்றும் ஷிவதா நடிப்பில் ‘தடயம்’ எனும் அதிரடி வெப் தொடரை இறக்கியிருக்கிறது. வழக்கமான க்ரைம் திரில்லர்கள் என்றாலே கற்பனை குதிரையைத் தட்டிவிடுவார்கள். ஆனால், இந்தத் தொடர் 90-களின் இறுதியில் தமிழக – ஆந்திர எல்லைப் பகுதிகளில் நடந்த, கேட்போரைக் குலைநடுங்க வைத்த ஓர் உண்மைச் சம்பவத்தை அடிப்படையாகக் கொண்டு உருவானது என்பதுதான் இதற்கான பிரத்யேக விசிட்டிங் கார்டு!

கதைக்களம்: ஒரு கயிறும், சங்கிலியும், 60 உயிர்களும்!

90-களின் இறுதிப் பகுதியில், ஆந்திர எல்லையை ஒட்டியுள்ள தமிழக கிராமங்கள் ஒரு விதமான மரண பீதியில் உறைந்து கிடக்கின்றன. அங்கு அடுத்தடுத்து தம்பதிகள் மட்டும் கொடூரமாகக் கொல்லப்படுகிறார்கள். சப்-இன்ஸ்பெக்டராக வரும் சமுத்திரக்கனி, ஒரு தம்பதியின் கொலையைத் துப்புதுலக்கும்போது பல அதிர்ச்சிகரமான நுணுக்கங்களைக் கண்டுபிடிக்கிறார். கொலைகளின் எண்ணிக்கை 60-ஐத் தாண்ட, இன்ஸ்பெக்டர் ஷிவதா தலைமையில் ஒரு விசேஷ விசாரணைக் குழு அமைக்கப்படுகிறது.

ஆரம்பத்தில் ஓரங்கட்டப்படும் சமுத்திரக்கனி, பின்னாளில் ஷிவதாவின் குழுவில் இணைந்து தனது அபாரமான புலனாய்வுத் திறனை வெளிப்படுத்துகிறார். அவர் சேகரித்த ‘தடயங்களில்’ மிக முக்கியமானது: இந்தக் கொலைகள் பெரும் பணத்திற்கோ அல்லது வைர நகைகளுக்கோ நடத்தப்படவில்லை. மாறாக, ஆண்களின் அரைஞாண் கயிறு மற்றும் பெண்களின் தாலிச்சங்கிலிக்காக மட்டுமே இவ்வளவு உயிர்கள் பறிக்கப்பட்டிருக்கின்றன. இந்த வினோதமான மற்றும் வக்கிரமான பின்னணியைக் கொண்டு அந்த ‘படுபாதக’ கும்பலை போலீஸ் எப்படி வேட்டையாடியது என்பதுதான் ‘தடயம்’ சொல்லும் கதை.

நடிப்பு: சமுத்திரக்கனியின் ‘புது’ அவதாரம்

இயக்கம் மற்றும் தொழில்நுட்பம்

இயக்குநர் நவீன்குமார் பழனிவேல், வழக்கமான பாணியில் கொலையாளி யார் என்பதை க்ளைமாக்ஸ் வரை மறைத்து வைக்காமல், இரண்டாவது எபிசோடிலேயே காட்டிவிடுகிறார். ‘யார் கொலையாளி?’ என்பதை விட, ‘எப்படிப் பிடித்தார்கள்?’ என்பதில் அவர் காட்டியிருக்கும் நேர்த்தியான திரைக்கதை பாராட்டுக்குரியது.

பிளஸ்:

மைனஸ்:

உண்மைச் சம்பவங்களின் மீதான ஆர்வம் உள்ளவர்களுக்கும், விறுவிறுப்பான இன்வெஸ்டிகேஷன் கதைகளை விரும்புபவர்களுக்கும் இந்தத் ‘தடயம்’ ஒரு தரம் வாய்ந்த அனுபவம்.