AanthaiReporter.Com | Tamil Multimedia News Web ⚡ AMP

“வித் லவ்” டீமின் நெகிழ்ச்சியான நன்றி அறிவிப்பு விழா!

By admin | Feb 12, 2026

நல்ல படங்களை ரசிகர்கள் என்றுமே கைவிட்டதில்லை என்பதற்கு மற்றுமொரு சான்றாக அமைந்திருக்கிறது “வித் லவ் (With Love)”. Zion Films சௌந்தர்யா ரஜினிகாந்த் மற்றும் MRP Entertainment மகேஷ் ராஜ் பசிலியான் தயாரிப்பில் உருவான இப்படம், பிப்ரவரி 6-ஆம் தேதி ரிலீஸாகி இளைஞர்களின் ஃபேவரிட் லிஸ்ட்டில் இடம்பிடித்துள்ளது. அரங்கம் நிறைந்த காட்சிகளாகப் படம் ஓடிக்கொண்டிருக்கும் வேளையில், பத்திரிகையாளர்களைச் சந்தித்து தங்கள் நன்றிகளைப் படக்குழுவினர் மழையாகப் பொழிந்தனர்.

ரஜினியை இம்ப்ரெஸ் செய்த மோகன்ராஜன்!

பாடலாசிரியர் மோகன்ராஜன் பேசும்போது, “தயாரிப்பாளர் மகேஷ் ஐயாவோடு நீண்ட தூரம் பயணிக்கிறேன். சௌந்தர்யா மேடம் எங்களுடன் இணைந்தது ஒரு வரம். ரஜினி சாரைச் சந்திக்க வேண்டும் என்பது என் வாழ்நாள் கனவு. வைரமுத்து சார் பாணியில் நான் எழுதிய கவிதையை அவர் ரசித்துப் பாராட்டிய அந்தத் தருணம் தான் என் வாழ்வின் மிகப்பெரிய கிஃப்ட்” என நெகிழ்ந்தார்.

“18 வருஷ கனவு இப்போதான் பலிச்சிருக்கு!” – சௌந்தர்யா ரஜினிகாந்த்

உணர்ச்சிப் பிழம்பாகப் பேசிய சௌந்தர்யா ரஜினிகாந்த், “சினிமாவுக்கு வந்து 18 வருஷமாகிவிட்டது. ஆனால், இதுதான் என் முதல் ‘சக்ஸஸ் மீட்’. படம் பார்த்துவிட்டு வந்தபோது அப்பாவும் அம்மாவும் என்னை அணைத்துக்கொண்டு சிரித்தார்கள். ஒரு மகளாக அந்தச் சிரிப்புதான் எனக்கு மிகப்பெரிய வெற்றி. அனஸ்வராவின் நடிப்பும், ஷான் ரோல்டனின் மேஜிக் இசையும் படத்தை அடுத்த கட்டத்திற்கு எடுத்துச் சென்றுவிட்டன” என்றார்.

மிரட்டிய புதுமுகங்கள்.. நெகிழ்ந்த நட்சத்திரங்கள்!

ஷான் ரோல்டனின் மேஜிக் & இயக்குநர் மதன்

இசையமைப்பாளர் ஷான் ரோல்டன் பேசும்போது, “தயாரிப்பாளர் மகேஷ் குழந்தை மனது கொண்டவர். சௌந்தர்யா மேடம் தெளிவான சிந்தனையாளர். இயக்குநர் மதன் கதையை மிக அழகாகக் கையாண்டுள்ளார்” எனப் பாராட்டினார்.

தயாரிப்பாளர் மகேஷ் பேசுகையில்: “பத்திரிகையாளர்களாகிய நீங்கள் கொடுத்த பாராட்டுதான் இந்தப் படத்தைத் மக்களிடம் கொண்டு சேர்த்தது. சௌந்தர்யா அக்கா என் குடும்பத்தின் ஒரு தூண் போல இருந்து ஆதரவு தருகிறார். எங்கள் கூட்டணி இன்னும் பல படங்களை உருவாக்கும்” எனத் தன் நன்றியைத் தெரிவித்தார்.

ஆந்தை பார்வை:

காதலை வெறும் கவர்ச்சியாகக் காட்டாமல், மனித உணர்வுகளை மிக நுணுக்கமாகப் பேசியதே “வித் லவ்” படத்தின் வெற்றி ரகசியம். நம் ஆந்தை ரிப்போர்ட்டர் விளம்பரதாரர்களின் இந்த வெற்றிப் பயணம் இன்னும் பல சிகரங்களைத் தொட வாழ்த்துக்கள்!