AanthaiReporter.Com | Tamil Multimedia News Web ⚡ AMP

புத்திசாலி குரங்குகள் தினம்: வேடிக்கை மட்டுமல்ல, பாதுகாப்பும்!

By admin | Dec 14, 2025

டிசம்பர் 14 – இந்த நாள் சுறுசுறுப்பும் சேட்டையும் நிறைந்த ஒரு விலங்கினத்துக்காக உலகளவில் கொண்டாடப்படுகிறது. ஆம், இதுதான் உலக குரங்குகள் தினம் (World Monkey Day). எந்தவொரு குரங்கும் சோம்பலாக இருந்து நாம் பார்க்க முடியாது; எப்போதும் சுறுசுறுப்பாக, குசும்பு நிறைந்த அதன் செயல்களால் நம்மை மகிழ்விக்கும் இந்தக் குரங்குகளைப் பற்றிய சுவாரஸ்யமான கட்டுரை இது.

📜 குரங்குகளின் தொன்மை: ஒரு நீண்ட வரலாறு

குரங்குகளின் தோற்றம் சுமார் 60 மில்லியன் ஆண்டுகளுக்கு முன் நிகழ்ந்ததாக நம்பப்படுகிறது. “குரங்கிலிருந்துதான் மனிதன் தோன்றினான்” என்ற பரிணாம வரலாற்றை குரங்கினம் தாங்கி நிற்கிறது. இந்த விலங்குகள் தங்கள் அறிவாற்றல் மற்றும் சமூக அமைப்பால் உலகின் கவனத்தை ஈர்க்கின்றன.

உலகில் சுமார் 260-க்கும் மேற்பட்ட வகையான குரங்குகள் உள்ளன. அவை வசிக்கும் பகுதிகளைப் பொறுத்து, புதிய உலகம் (அமெரிக்கா) மற்றும் பழைய உலகம் (ஆசியா, ஆப்பிரிக்கா) என இரண்டு விதமாகப் பிரிக்கப்படுகின்றன.

🤩 கொண்டாடத் தூண்டிய ஒரு நகைச்சுவை!

உலக குரங்குகள் தினம் உருவான கதை மிகவும் தற்செயலானது மற்றும் சுவாரஸ்யமானது.

2000-ம் ஆண்டில், மிச்சிகன் மாநிலப் பல்கலைக்கழகத்தைச் சேர்ந்த கலை மாணவர்கள் கேசி சோரோ மற்றும் எரிக் மில்லியன் இருவரும் கேஷூவலாகப் பேசிக் கொண்டிருந்தபோது, அன்றைய நாளை ‘குரங்கு தினம்’ என நகைச்சுவையாகச் சோரோ அறிவித்தார். இதைத் தொடர்ந்து, எரிக் மில்லியனின் உந்துதலால், நண்பர்கள் இருவரும் அன்றைய தினத்தை விடுமுறையாகக் கொண்டாடினர்.

ஆரம்பத்தில் பல்கலைக்கழகத்திற்குள் மட்டும் இருந்த இந்த நகைச்சுவையான கொண்டாட்டம், அடுத்தடுத்த ஆண்டுகளில் வைரலானது. நண்பர்கள் இருவரும் குரங்குகள் தொடர்பான காமிக்ஸ் மற்றும் கலைப்படைப்புகளை ஆன்லைனில் வெளியிட்டு, சர்வதேச அளவில் இந்தக் கருத்தை பிரபலப்படுத்தினர். இன்று, அமெரிக்கா, இந்தியா, துருக்கி போன்ற பல நாடுகளில் இத்தினம் கொண்டாடப்படுகிறது.

வாஷிங்டன் போஸ்ட் பத்திரிகை இந்தக் குரங்குத் தினத்தை, “இந்த அபிமான மற்றும் புத்திசாலி விலங்கினத்தைப் பற்றி ஏதாவது கற்றுக் கொள்ள அல்லது குரங்குபோல் செயல்பட இந்த நாளைப் பயன்படுத்திக் கொள்ளலாம்” என விவரிக்கிறது.

🌟 குரங்குகள் குறித்த சில சுவையான தகவல்கள்

தகவல் விவரம்
ஆயுட்காலம் குரங்குகள் 30 முதல் 50 ஆண்டுகள் வரை உயிர் வாழும்.
அறிவாற்றல் மனிதர்களைப் போலவே குரங்குகளுக்கும் எண்ணவும் கணக்குப் போடவும் முடியும் என்று ஆய்வுகள் தெரிவிக்கின்றன.
கைரேகை ஒவ்வொரு குரங்குக்கும் மனிதர்களைப் போலவே பிரத்யேகமான கைரேகைகள் உள்ளன.
விண்வெளிப் பயணம் ‘ஆல்பர்ட் 2’ என்ற பெயரிடப்பட்ட குரங்கு, 1949-ம் ஆண்டில் முதல்முறையாக விண்ணுக்கு அனுப்பப்பட்டது.
சிறிய வகை பிக்மி மார்மோசெட் (Pygmy Marmoset) வகை குரங்குகள், வெறும் 5 அங்குல உயரம் கொண்டவை.
பெரிய வகை மாண்ட்ரில் (Mandrill) என்ற குரங்கு வகை 1 மீட்டர் உயரம் வரை வளரும், இது மிகப் பெரிய வகை குரங்காகும்.
உணவுப் பழக்கம் குரங்குகளைப் பொறுத்தவரை, பழங்களில், வாழைப்பழம் அதன் விருப்பமானதாக அறியப்படுகிறது.

💥 அறியப்படாத சுவாரஸ்யங்கள்

இதிகாச புராணமான ராமாயணத்தில் ஆஞ்சநேயராக குரங்கினம் முக்கியத்துவம் பெற்றது முதல், இன்றளவும் குழந்தைகளின் குதூகலத்துக்குக் காரணமாக இருப்பது வரை, இந்தக் குரங்கினம் மனித வாழ்வுடன் பின்னிப் பிணைந்துள்ளது.

உலக குரங்குகள் தினத்தின் முக்கிய நோக்கம், இந்த அபிமான விலங்கினத்தின் பாதுகாப்பு மற்றும் வாழ்விடப் பராமரிப்பு பற்றிய விழிப்புணர்வை ஏற்படுத்துவதே ஆகும்.

வாத்தீ அகஸ்தீஸ்வரன்