AanthaiReporter.Com | Tamil Multimedia News Web ⚡ AMP

லாக்டவுன்- விமர்சனம்!=விழிப்புணர்வு தந்ததா? வலியைப் பதிவு செய்ததா?

By admin | Jan 30, 2026

கொரோனா காலத்து ஊரடங்கு உலகத்தையே வீட்டுக்குள் முடக்கியது. அந்த நிசப்தமான நாட்களில் பலரது வாழ்க்கை திசைமாறிப்போனது. அப்படி ஒரு மிடில் கிளாஸ் பெண்ணின் வாழ்வை உலுக்கிய சம்பவத்தையும், ஊரடங்கு காலத்துத் தனிமையையும் பின்னணியாகக் கொண்டு உருவாகியிருக்கிறது இந்த ‘லாக்டவுன்’. நடிகை அனுபமா பரமேஸ்வரனின் அதிரடி மாற்றத்துடன் வெளியாகியுள்ள இப்படத்தின் அலசல் இதோ:

கதைக்களம்:

வேலை தேடிக்கொண்டிருக்கும் சராசரி இளம்பெண் அனிதா (அனுபமா பரமேஸ்வரன்). தோழி ஒருவரின் அழைப்பின் பேரில் ஒரு பார்ட்டிக்குச் செல்கிறார். அங்கு நடக்கும் மதுவிருந்தும், சின்ன ஆசையும் அவர் வாழ்வைப் புரட்டிப்போடுகிறது. இரண்டு மாதங்கள் கழித்து மருத்துவமனை செல்லும் அவருக்குத் தான் ‘கர்ப்பமாக’ இருக்கும் செய்தி இடியாக இறங்குகிறது.

அதே சமயம் நாடு முழுவதும் ஊரடங்கு (லாக்டவுன்) அமலாகிறது. அந்தப் பார்ட்டியில் தன்னைக் கெடுத்தவன் யார் என்று தெரியாத குழப்பம், தன் நிலையை வீட்டிற்குத் தெரியாமல் மறைக்க வேண்டிய கட்டாயம் என அனிதா ஒரு பெரும் போராட்டத்தைச் சந்திக்கிறார். இந்தப் பிரச்சனையில் இருந்து அவர் மீண்டாரா? ஊரடங்கு அவரது வலியை எப்படிக் கையாண்டது? என்பதே  லாக் டவுன் கதை.

நடிப்பில் மிரட்டிய அனுபமா:

ஸ்டைலான, ஜாலியான நாயகியாக நாம் பார்த்த அனுபமா பரமேஸ்வரன், இதில் முற்றிலும் மாறுபட்ட ஒரு பரிமாணத்தைக் காட்டியுள்ளார். பார்ட்டியில் கவர்ச்சியான பெண்ணாகத் தெரிபவர், கிளைமாக்ஸில் நடந்து செல்லும்போது நம்மை உலுக்கி விடுகிறார். இப்படி ஒரு சவாலான கதாபாத்திரத்தை ஏற்று நடித்ததற்காகவே அவருக்கு ஒரு ‘சபாஷ்’ போடலாம்.

இதர கதாபாத்திரங்கள்:

தொழில்நுட்பம்:

ஒளிப்பதிவாளர் கே.ஏ.சக்திவேல், ஊரடங்கு காலத்தின் வெறிச்சோடிய சாலைகளையும், அந்தத் தனிமையையும் கேமராவிற்குள் அழகாகக் கொண்டு வந்துள்ளார். சித்தார்த் விபின் மற்றும் என்.ஆர் ரகுநந்தனின் இசை ஓகே ரகம் தான்; இன்னும் வலுவாக இருந்திருக்கலாம்.

ஆந்தை ரிப்போர்ட்டர் அலசல்:

இயக்குநர் பல கிளைக் கதைகளை (வருமானம் இழந்த குடும்பம், புலம் பெயர் தொழிலாளர்கள், மருத்துவர்களின் தியாகம்) ஒரே படத்தில் அடுக்க முயன்றதால், முதன்மையான ‘அனிதா’வின் கதை முழுமையான வளர்ச்சியைப் பெறாமல் போனது வருத்தம். பலவீனம் இருந்தாலும், “பிள்ளைகள் எது நடந்தாலும் பெற்றோரிடம் சொல்லும் அளவிற்குப் பெற்றோரும் நட்போடு நடந்து கொள்ள வேண்டும்” என்ற கருத்தைச் சொன்னதில் இந்தப் படம் ஜெயிக்கிறது.

பிளஸ்:

மைனஸ்:

மொத்தத்தில்: ‘லாக்டவுன்’ – பெண்களுக்கான எச்சரிக்கை மணி!

மார்க்: 2.75/5