AanthaiReporter.Com | Tamil Multimedia News Web ⚡ AMP

அமெரிக்காவில் பேசப்படும் இந்திய மொழிகளிலும் இந்திதான் டாப்!

By admin | Sep 21, 2018

கடந்த 2001 ம் ஆண்டு இந்தியாவில் இந்தி பேசுவர்களின் எண்ணிக்கை 41.03 சதவீதமாக இருந்தது. அது 2011 கணக்கெடுப்புபடி 43.63 சதவீதமா உயர்ந்து உள்ளது. பெங்காலி இரண்டாவது மொழியாக உள்ளது. மராத்தி மூன்றாவது இடத்தில் உள்ளது. நாட்டில் சமஸ்கிருத மொழி குறைந்தபட்சம் 22 திட்டமிடப்பட்ட மொழிகள் பேசப்படுகிறது. வெறும் 24,821 பேர் அதை தங்கள் தாய் மொழியாகக் குறிப்பிடுகின்றனர்,போடோ, மணிபுரி, கொங்கனி மற்றும் டோக்ரி மொழிகளில் பேச்சாளர்களின் எண்ணிக்கையை விட குறைவாக இருந்தது .

இந் நிலையில் அமெரிக்கன் கம்யூனிட்டி சர்வே என்ற அமெரிக்க மக்கள் தொகைக் கணக்கெடுப்பு அமைப்பு வெளியிட்டுள்ள ஆய்வு அறிக்கையின்படி, அமெரிக்காவில் வாழும் 5 வயதுக்கும் மேற் ட்டவர் களில் 21.8 சதவீதம் பேர் தங்கள் வீடுகளில் அயல் மொழி பேசுவதாகக் கூறியுள்ளது. அத்துடன் அமெரிக்கா வில் பேசப்படும் இந்திய மொழிகளில் இந்தியை 33 சதவீதம் பேரும், குஜராத்தி மற்றும் தெலுங்கை 17 சதவீதம் பேரும் பேசுவதாகக் குறிப்பிட்டுள்ளது.

மேலும் அந்த அறிக்கையின்படி கடந்த 8 ஆண்டுகளில் அமெரிக்காவில் வசிக்கும் தெலுங்கு மொழி பேசும் மக்களின் எண்ணிக்கை 86 சதவீதம் அதிகரித்துள்ளது.

பெங்காலி மொழி பேசுபவர்கள் எண்ணிக்கை 57 சதவீதமும், தமிழ் மொழி பேசுவோரின் எண்ணிக்கை 55 சதவீதமும் அதிகரித்துள்ளதாக அதில் சுட்டிக்காட்டியுள்ளது.

அயல் மொழி பேசுவோரின் எண்ணிக்கை முக்கிய நகரங்களில் குறிப்பிடத்தக்க வகையில் அதிகரித்திருப்பதையும் அந்த ஆய்வு குறிப்பிட்டுள்ளது.