AanthaiReporter.Com | Tamil Multimedia News Web ⚡ AMP

அஜய் கார்த்தி நடித்த ‘டார்க்’ பட முன்னோட்ட விழாத் துளிகள்!

By admin | Jun 16, 2026

எம்.ஜி. ஸ்டூடியோஸ் ஏ.பி.வி. மாறன், கணேஷ் கே. பாபு மற்றும் ஃபைவ் ஸ்டார் கிரியேஷன்ஸ் கே. செந்தில் தயாரிப்பில், அறிமுக இயக்குநர் கல்யாண் கே. ஜெகன் இயக்கத்தில் அஜய் கார்த்தி நடித்துள்ள ‘டார்க்’ (Dark) திரைப்படத்தின் ட்ரெய்லர் வெளியீட்டு விழா சென்னையில் உள்ள பிரபல திரையரங்கில் சினிமா பிரபலங்கள் முன்னிலையில் விமரிசையாக நடைபெற்றது.

‘டாடா’ பட புகழ் இயக்குநர் கணேஷ் கே. பாபு கதை எழுதியுள்ள இத்திரைப்படம், ஒரு புதுமையான சைக்காலஜிக்கல் ஹாரர் திரில்லராக (Psychological Horror Thriller) உருவாகியுள்ளது.

நட்சத்திரப் பட்டாளமும் தொழில்நுட்பக் கூட்டணியும்

இப்படத்தில் அஜய் கார்த்திக்கு ஜோடியாக அஞ்சனா நேத்ரன் அறிமுகமாகிறார். இவர்களுடன் நட்டி நட்ராஜ், கே. பாக்யராஜ், சிபி சக்கரவர்த்தி, விடிவி கணேஷ், அரவிந்த், சாகுல், நரேன் உள்ளிட்ட பலர் முக்கியக் கதாபாத்திரங்களில் நடித்துள்ளனர். ரவி சக்தி ஒளிப்பதிவு செய்துள்ள இப்படத்திற்கு மனு ரமேசன் இசையமைத்துள்ளார். இப்படத்தின் புரோமோ பாடலுக்கு எஸ். தமன் இசையமைக்க, யுவன் ஷங்கர் ராஜா மற்றும் ஜி.வி. பிரகாஷ் குமார் ஆகியோர் இணைந்து பாடியுள்ளனர் என்பது குறிப்பிடத்தக்கது.

‘டாடா’ படத்தின் தேங்க்ஸ் கார்டு தான் இந்த ‘டார்க்’! – கணேஷ் கே. பாபு உருக்கம்

இப்படத்திற்கு கதை எழுதி தயாரிப்பாளராக மாறியுள்ள இயக்குநர் கணேஷ் கே. பாபு தனது திரைப்பயண சவால்களையும், படம் உருவான விதத்தையும் மேடையில் பகிர்ந்து கொண்டார்:

“சின்ன பட்ஜெட் படங்கள் தியேட்டர்களை ஆளுகின்றன” – இயக்குநர் பா. ரஞ்சித்

சிறப்பு விருந்தினராகக் கலந்துகொண்ட இயக்குநர் பா. ரஞ்சித், தற்போதைய தமிழ் சினிமாவின் ஆரோக்கியமான சூழல் மற்றும் தயாரிப்பின் ரிஸ்க் குறித்துப் பேசினார்:

“ஒரு கதையை நம்பி முதலீடு செய்துவிட்டு, அந்தப் பணம் திரும்ப வருமா வராதா என்ற தவிப்பு ஒவ்வொரு தயாரிப்பாளருக்கும் இருக்கும். ஒரு தயாரிப்பாளராக அந்த வலி எனக்கும் தெரியும். தமிழக அரசியலில் மாற்றம் வந்தது போல, இப்போது தமிழ் சினிமாவிலும் சின்ன பட்ஜெட் படங்கள் வெளியாகி தியேட்டர்களை நோக்கி மக்களை வரவழைத்துக் கொண்டிருக்கின்றன.

சமீபத்தில் வெளியான ‘பிளாஸ்ட்’, ‘சிறை’, ‘ஹபீபி’ போன்ற சிறிய படங்கள் தியேட்டர்களில் ஹவுஸ்ஃபுல் காட்சிகளாக ஓடி நல்ல வசூல் செய்துள்ளன. பெரிய பட்ஜெட் படமான ‘கருப்பு’ திரைப்படமும் வென்றுள்ளது. தியேட்டர் என்பது ஜனநாயகம் மிக்க இடம். மக்கள் மீது நம்பிக்கை வைத்து நல்ல கன்டென்ட் கொடுத்தால் கண்டிப்பாக லாபத்துடன் கூடிய வெற்றி கிடைக்கும்.”

தமிழ் சினிமாவின் ‘நியூ சாக்லேட் பாய்’ அஜய் கார்த்தி!

விழாவில் கலந்துகொண்ட பிரபலங்கள் பலரும் படத்தின் நாயகன் அஜய் கார்த்தியின் உழைப்பைப் பாராட்டினர்:

இது எனக்குப் படம் அல்ல, பாடம்! – நாயகன் அஜய் கார்த்தி மகிழ்ச்சி

தன் தந்தை ஃபைவ் ஸ்டார் செந்தில் மற்றும் படக்குழுவினருக்கு நன்றி தெரிவித்து நடிகர் அஜய் கார்த்தி பேசுகையில்,

“சினிமாவைப் பற்றி நான் முறையாகக் கற்றுக் கொண்டதே இந்த படத்தின் படப்பிடிப்பில் தான். ‘டாடா’ வெற்றிக்குப் பிறகு கணேஷ் அண்ணன் ஒரு பெரிய ஹீரோவை வைத்துப் படம் பண்ணியிருக்கலாம். ஆனால், எங்களை நம்பி தயாரித்துள்ளார். தொடக்கத்தில் என் அப்பா செந்தில் சார் இது சீரியஸான பேய் படம் என்பதால் தயங்கினார். பின்னர் எங்களின் உழைப்பைப் பார்த்துவிட்டு முழு ஆதரவு தந்தார். தியேட்டருக்கு வரும் ரசிகர்களுக்கு அடுத்து என்ன நடக்கும் என்று யூகிக்க முடியாத ஒரு புதிய த்ரில்லர் அனுபவத்தை இந்த ‘டார்க்’ நிச்சயம் கொடுக்கும்” என்றார்.

அனைத்துப் பணிகளும் முடிவடைந்த நிலையில், ‘டார்க்’ திரைப்படம் இந்த மாதமே திரையரங்குகளில் வெளியாகத் திட்டமிடப்பட்டுள்ளது.