AanthaiReporter.Com | Tamil Multimedia News Web ⚡ AMP

தமிழ்நாடு போஸ்ட் ஆபீஸில் வேலைவாய்ப்பு!

By admin | Jun 12, 2025

இந்திய தபால் துறையில் தமிழ்நாடு வட்டாரத்தில் காலியாக உள்ள போஸ்டல் உதவியாளர் (Postal Assistant), சார்ட்டிங் உதவியாளர் (Sorting Assistant) ஆகிய பதவிகளில் உள்ள இடங்கள் நிரப்புவதற்கான போட்டித் தேர்வு அறிவிப்பு வெளியாகியுள்ளது. கிளை போஸ்ட் மாஸ்டர் பணியில் இருக்கும் நபர்கள் இந்த வாய்ப்பை பயன்படுத்திக்கொள்ளலாம்.

பணியின் விவரங்கள்

தமிழ்நாடு அஞ்சல் துறை வட்டாரத்தில் கீழ் இயங்கும் தபால் நிலையங்களில் உள்ள தபால் மற்றும் தபால் பிரிவுக்கும் பிரிவுகளில் உள்ள உதவியாளர் பணியிடங்கள் போட்டித் தேர்வு மூலம் நிரப்பப்படுகிறது. இந்திய தாபல் துறை கிளை போஸ்ட் மாஸ்டர் (GDS) பணியில் உள்ளவர்கள் இத்தேர்விற்கு விண்ணப்பிக்கலாம் என தெரிவிக்கப்பட்டுள்ளது.

வயது வரம்பு

போஸ்ட் ஆபீஸ் பணிக்கு விண்ணப்பிக்க விரும்புகிறவர்கள் 40 வயதிற்குள் இருக்க வேண்டும் என தெரிவிக்கப்பட்டுள்ளது. மத்திய அரசின் வயது வரம்பு தளர்வுகள் இப்பணிக்கு பொருந்தும்.

கல்வித்தகுதி

தபால் உதவியாளர் பணிக்கு 12-ம் வகுப்பு தேர்ச்சி பெற்றிருக்க வேண்டும். 10 மற்றும் 2 என்ற அடிப்படையில் பள்ளி படிப்பை முடித்திருக்க வேண்டும். மேலும், கணினி இயக்க திறன் கட்டாயமாகும்.

கிளை போஸ்ட் மாஸ்டர் (Gramin Dak Sevaks) பதவியில் 17.06.2022 தேதி அன்று அல்லது அதற்கு முன்பு இணைந்தவர்கள் மற்றும் பின்பு இணைந்தவர்கள் விண்ணப்பிக்கலாம்.

தேர்வு செய்யப்படும் முறை

இப்பதவிக்கு விண்ணப்பிக்கும் நபர்களுக்கு 3 தாள்கள் கொண்டு தேர்வு நடத்தப்படும். முதல் இரண்டு தாள்கள் எழுத்துத் தேர்வாகவும். மூன்றாம் தாள் கணினியில் டேட்டா எண்டரி திறன் தேர்வாகௌம் நடைபெறும். இதில் மூன்றிலும் தேர்வாகும் நபர்களின் மதிப்பெண்கள் கொண்டு இறுதி பட்டியல் வெளியிடப்படும்.இதில் தேர்ச்சி பெற ஒவ்வொரு தாளிலும் 40% மதிப்பெண்கள் எடுக்க வேண்டும். எஸ்சி, எஸ்டி பிரிவினர் 33%, ஒபிசி பிரிவினர் 37% எடுக்க வேண்டும்.

விண்ணப்பிக்கும் முறை

இப்பணியிடங்களுக்கு விண்ணப்பிக்க விரும்புகிறவர்கள் https://tamilnadupost.cept.gov.in/ என்ற இணையதளத்தில் கொடுக்கப்பட்டுள்ள விண்ணப்பத்தினை பதிவிறக்கம் செய்து, பூர்த்தி செய்து தேவையான ஆவணங்களுடன் இணைத்து அந்தந்த டிவிசன் அலுவலகத்தில் சமர்பித்து விண்ணப்பிக்க வேண்டும். ஆர்வமுள்ளவர்கள் ஜூலை 2-ம் தேதிக்குள் விண்ணப்பிக்க வேண்டும். தேர்விற்கான அட்மிட் கார்டு ஜூலை 14-ம் தேதி வெளியாகும். தேர்வு ஜூலை 20-ம் தேதி நடைபெறும். அறிவிப்பை பார்க்க இங்கே கிளிக் செய்யவும்.

முக்கிய நாட்கள்

போஸ்ட் ஆபீஸ் பணியில் நிரந்த பணி எதிர்பார்ப்பவர்கள் இந்த வாய்ப்பை பயன்படுத்திக்கொள்ளலாம். இப்பணியிடங்களுக்கான விவரங்களை அறிவிப்பில் அறிந்துகொள்ளலாம். தேர்விற்கான பாடத்திட்டம் அறிவிப்புடன் இணைத்து வெளியிடப்பட்டுள்ளது. தேர்விற்கு தயாராகும் நபர்கள் அறிவிப்பில் பாடத்திட்டம், தேர்வு முறை மற்றும் விதிமுறைகள் குறித்து அறிந்துகொள்ளலாம்.