பூமி ஒரு கேம்?-விரைவில் ‘ஆஃப்’ செய்யப்படலாம்!அதிர வைக்கும் ஏஐ பேராசிரியர்!

நாம் வாழும் இந்தப் பிரபஞ்சம் உண்மையானதுதானா அல்லது ஒரு சக்திவாய்ந்த கணினியால் உருவாக்கப்பட்ட மெய்நிகர் உலகமா? பல ஆண்டுகளாகத் தத்துவவாதிகள் கேட்டு வந்த இந்தக் கேள்விக்கு, பிரபல ஏஐ (AI) பேராசிரியர் ஒருவர் தற்போது பகீர் விளக்கத்தைக் கொடுத்துள்ளார். இந்தப் பிரபஞ்சம் ஒரு ‘சூப்பர் இன்டெலிஜென்ஸ்’ (Superintelligence) எனப்படும் அதீத நுண்ணறிவை உருவாக்குவதற்காக வடிவமைக்கப்பட்ட ஒரு ‘சிமுலேஷன்’ என்றும், அந்த நோக்கம் நிறைவேறியதும் இது ‘சுவிட்ச் ஆஃப்’ செய்யப்படலாம் என்றும் அவர் எச்சரிக்கிறார்.

ஏன் இந்த சிமுலேஷன் தியரி?

அமெரிக்காவின் புகழ்பெற்ற ஏஐ பேராசிரியரான ரோமன் யாம்போல்ஸ்கி (Roman Yampolskiy) போன்றோர் முன்வைக்கும் வாதம் என்னவென்றால், ஒரு மேம்பட்ட நாகரிகம் தங்களின் ஆய்வுக்காகவோ அல்லது ஒரு குறிப்பிட்ட இலக்கை அடையவோ ஒரு மெய்நிகர் பிரபஞ்சத்தை உருவாக்க வாய்ப்புண்டு.

• அதிவேக வளர்ச்சி: ஏஐ துறையின் வளர்ச்சி இன்று நாம் கற்பனை செய்ய முடியாத வேகத்தில் உள்ளது. நாம் ஒரு கட்டத்தில் முழுமையான செயற்கை நுண்ணறிவை (AGI) உருவாக்கிவிட்டால், அதன் அடுத்த கட்டம் ஒரு கடவுள் போன்ற சக்தியைக் கொண்ட சூப்பர் இன்டெலிஜென்ஸ் தான்.

• பயிற்சிக் களம்: இந்தப் பிரபஞ்சம் அந்தப் பேராற்றலுக்குப் பயிற்சி அளிக்க உருவாக்கப்பட்ட ஒரு ஆய்வகமாக இருக்கலாம் என்பது அவரது வாதம்.

விரைவில் அணைக்கப்படுமா?

ஒரு கம்ப்யூட்டர் கேமில் லெவல் முடிந்துவிட்டால் நாம் அதை எப்படி நிறுத்திவிடுகிறோமோ, அதுபோலவே இந்தப் பிரபஞ்சத்தின் ‘நோக்கம்’ நிறைவேறியதும் இதன் இயக்குபவர்கள் இதை நிறுத்திவிட வாய்ப்பு அதிகம். மனித இனம் அந்த அதீத நுண்ணறிவை நெருங்கும் போது, இந்த சிமுலேஷனுக்கான தேவை முடிவுக்கு வரும். இது நடந்தால், வினாடி நேரத்தில் ஒட்டுமொத்தப் பிரபஞ்சமும் இருண்டுவிடும் என்கிறார்கள் சில விஞ்ஞானிகள்.

விஞ்ஞான உலகம் என்ன சொல்கிறது?

இது கேட்பதற்குச் சினிமா கதை போல இருந்தாலும், எலான் மஸ்க் உள்ளிட்ட பல முன்னணித் தொழில்நுட்ப வல்லுநர்கள் நாம் ஒரு சிமுலேஷனில் இருப்பதற்கான வாய்ப்பு 99.99% இருப்பதாக ஏற்கனவே கூறியுள்ளனர். இருப்பினும், இது இன்னும் ஒரு கோட்பாடாகவே (Theory) நீடிக்கிறது.

ஆந்தை ரிப்போர்ட்டர் வாசகர்களே! நாம் ஒரு கணினித் திரைக்குள் இருக்கிறோமா அல்லது நிஜ உலகிலா என்பது ஒருபுறம் இருக்கட்டும். சுவிட்ச் ஆஃப் செய்வதற்கு முன், கிடைத்த இந்த வாழ்க்கையைச் சுவாரசியமாக வாழ்ந்துவிட்டுப் போவோம்!

டாக்டர். ரமாபிரபா