பட்டதாரி இளைஞர்களுக்கு வங்கித் துறையில் ஒரு சிறந்த நல்வாய்ப்பு உருவெடுத்துள்ளது. முன்னணிப் பொதுத்துறை வங்கியான இந்தியன் ஓவர்சீஸ் வங்கி (IOB), ‘லோக்கல் பேங்க் ஆபீசர்’ (Local Bank Officer – Scale I) பணிக்கான அதிகாரப்பூர்வ வேலைவாய்ப்பு அறிவிப்பை வெளியிட்டுள்ளது. சொந்த மாநிலத்தில் பணியாற்ற விரும்புபவர்களுக்கும், வங்கித் துறையில் தங்கள் தொழில்வாழ்க்கையைத் தொடங்க நினைப்பவர்களுக்கும் இது ஒரு பொன்னான வாய்ப்பாகும்.
காலிப்பணியிடங்கள் மற்றும் பணிபுரியும் பகுதி
இந்த அறிவிப்பின் மூலம் இந்தியா முழுவதும் மொத்தம் 250 லோக்கல் பேங்க் ஆபீசர் பணியிடங்கள் நிரப்பப்பட உள்ளன. இதில் அதிகபட்சமாகத் தமிழ்நாட்டிற்கு மட்டும் 100 இடங்கள் ஒதுக்கப்பட்டுள்ளன.
-
தமிழ்நாடு – 100
-
மகாராஷ்டிரா – 50
-
குஜராத் – 50
-
கர்நாடகா – 50
தேர்ந்தெடுக்கப்படும் அதிகாரிகள் தாங்கள் விண்ணப்பித்த மாநிலத்திலேயே முதல் 12 ஆண்டுகள் அல்லது SMGS-IV தர உயர்வு பெறும் வரை பணியாற்றலாம் என்பது குறிப்பிடத்தக்கது.
தகுதி மற்றும் வயது வரம்பு
-
கல்வித் தகுதி: அரசு அங்கீகாரம் பெற்ற பல்கலைக்கழகத்தில் ஏதேனும் ஒரு துறையில் இளங்கலை பட்டம் (Degree) பெற்றிருக்க வேண்டும். ஆன்லைனில் விண்ணப்பிக்கும் போதே மதிப்பெண் சான்றிதழ் கையில் இருக்க வேண்டும்.
-
வயது வரம்பு: 01.08.2026 அன்றைய நிலவரப்படி 20 வயது முதல் 30 வயதுக்குள் இருக்க வேண்டும் (02.08.1996 முதல் 01.08.2006-க்குள் பிறந்திருக்க வேண்டும்).
-
வயதுத் தளர்வு: எஸ்சி / எஸ்டி பிரிவினருக்கு 5 ஆண்டுகள், பிசி / எம்பிசி (OBC) பிரிவினருக்கு 3 ஆண்டுகள் மற்றும் மாற்றுத்திறனாளிகளுக்கு 10 ஆண்டுகள் வரை அரசு விதிகளின்படி வயது வரம்பில் தளர்வு உண்டு.
சம்பளம், பிணைப்பத்திரம் & கூடுதல் சலுகைகள்
இப்பணிக்கு அடிப்படைச் சம்பளமாக ரூ.48,480 முதல் ரூ.85,920 வரை நிர்ணயிக்கப்பட்டுள்ளது. இது தவிர பஞ்சப்படி (DA), வீட்டு வாடகைப்படி (HRA), நகரப் படி (CCA) போன்ற இதர சலுகைகளும் கிடைக்கும்.
-
புரோபேஷன் காலம்: பணி நியமனம் செய்யப்படும் நாளிலிருந்து 2 ஆண்டுகள் புரோபேஷன் காலமாக இருக்கும்.
-
பிணைப்பத்திரம் (Indemnity Bond): தேர்வாகும் நபர்கள் குறைந்தபட்சம் 3 ஆண்டுகள் வங்கியில் பணியாற்ற வேண்டும் என்ற நிபந்தனையுடன் ரூ.2,00,000 மதிப்பிலான பிணைப்பத்திரத்தில் கையொப்பமிட வேண்டும்.
-
முன் அனுபவ ஊதிய உயர்வு: அட்டவணையிடப்பட்ட வணிக வங்கிகளில் (Scheduled Commercial Banks) அதிகாரி நிலையில் பணிபுரிந்த முன்அனுபவம் உள்ளவர்களுக்கு, ஒவ்வொரு முழு ஆண்டு அனுபவத்திற்கும் ஒரு கூடுதல் ஊதிய உயர்வு (அதிகபட்சம் 2 ஊதிய உயர்வுகள்) வழங்கப்படும்.
தேர்வு முறை மற்றும் பாடத்திட்டம்
ஆன்லைன் தேர்வு (Online Exam), உள்ளூர் மொழித் திறன் தேர்வு (Language Proficiency Test – LPT) மற்றும் நேர்காணல் (Personal Interview) ஆகிய மூன்று நிலைகளின் அடிப்படையில் தகுதியானவர்கள் தேர்ந்தெடுக்கப்படுவர்.
ஆன்லைன் தேர்வுத் திட்டம் (3 மணி நேரம் – 200 மதிப்பெண்கள்):
-
ரீசனிங் & கம்ப்யூட்டர் ஆப்டிட்யூட்: 30 கேள்விகள் (60 மதிப்பெண்கள்) – 60 நிமிடங்கள்
-
பொது அறிவு / பொருளாதாரம் / வங்கி விழிப்புணர்வு: 40 கேள்விகள் (40 மதிப்பெண்கள்) – 30 நிமிடங்கள்
-
டேட்டா அனாலிசிஸ் & இன்டர்பிரட்டேஷன்: 30 கேள்விகள் (60 மதிப்பெண்கள்) – 60 நிமிடங்கள்
-
ஆங்கில அறிவு: 40 கேள்விகள் (40 மதிப்பெண்கள்) – 30 நிமிடங்கள்
தவறான பதில்களுக்கு 0.25 மதிப்பெண்கள் குறைக்கப்படும் (Negative Marks). ஆன்லைன் தேர்வு மற்றும் நேர்காணல் மதிப்பெண்கள் 80:20 என்ற விகிதத்தில் கணக்கிடப்பட்டு இறுதிப் பட்டியல் தயார் செய்யப்படும்.
உள்ளூர் மொழித் திறன் (LPT)
விண்ணப்பிக்கும் மாநிலத்தின் அதிகாரப்பூர்வ மொழியில் (தமிழ்நாட்டிற்குத் தமிழ்) எழுத, படிக்க, பேசத் தெரிந்திருக்க வேண்டும். 10-ஆம் வகுப்பு அல்லது 12-ஆம் வகுப்பில் தமிழை ஒரு பாடமாகப் படித்து தேர்ச்சி பெற்றவர்களுக்கு இந்த மொழித் திறன் தேர்வில் இருந்து விலக்கு உண்டு. மற்றவர்கள் நேர்காணலுக்கு முன்பாக இதில் தேர்ச்சி பெற வேண்டியது கட்டாயம்.
விண்ணப்பிக்கும் முறை & முக்கியத் தேதிகள்
-
விண்ணப்பிக்கும் இணையதளம்: www.iob.bank.in (Careers பகுதி) அல்லது ibpsreg.ibps.in.
-
ஆன்லைனில் விண்ணப்பிக்க கடைசி நாள்: ஆகஸ்ட் 24, 2026.
-
விண்ணப்பக் கட்டணம்: எஸ்சி / எஸ்டி / மாற்றுத்திறனாளிகளுக்கு ரூ.175 (சேவைக் கட்டணம் மட்டும்); இதர பிரிவினருக்கு ரூ.850.
-
தமிழகத் தேர்வு மையங்கள்: சென்னை, மதுரை, திருநெல்வேலி, சேலம், கோயம்புத்தூர், திருச்சி, வேலூர், நாமக்கல், ஈரோடு, திருப்பூர், விருதுநகர், கன்னியாகுமரி / நாகர்கோவில், தஞ்சாவூர் மற்றும் கடலூர்.