ரிசர்வ் பேங்க்கின் தங்கப் பத்திரங்கள் ரெடி- நீங்க வாங்குங்கோ!

நம் நாட்டில் தங்கத்தில் முதலீடு செய்யும் பாரம்பரியம் நீண்டகாலமாக உள்ளது. வீடுகளில் ஏதாவது கஷ்டம் வரும்போது கைகொடுக்கும் துணை என்றும் தங்கம் கருதப்படுகிறது. தங்க நகைகளை அணிவதோடு பெண்கள் அவசரகாலத்தில் உதவிக்காவும் அதை பாதுகாத்து வைக்கிறார்கள். பல்வேறு சிரம காலத்திலும் தங்கம் ஒரு பாதுகாப்பான மாற்றுவழியாக இருப்பதை பார்க்க முடிகிறது. ரூபாய் மதிப்பு வீழ்ச்சியடையும் போதும், தங்கத்தின் விலை உயர்ந்து கொண்டே இருக்கிறது. ரூபாய் மதிப்பு உயரும்போதும் கூட , தங்கம் அதன் இடத்தைத் தக்க வைத்துக் கொள்கிறது. அந்த வகையில் நீங்களும் மலிவான தங்கத்தை வாங்கத் திட்டமிட்டிருந்தால், இந்த வாய்ப்பை உங்களுக்கு அரசாங்கம் வழங்குகிறது. நாளை – செப்டம்பர் 11 முதல் செப்டம்பர் 15 வரை சந்தையில் தங்கத்தை குறைந்த விலைக்கு வாங்கலாம்.

மத்திய அரசின் இறையாண்மை தங்கப் பத்திரத் திட்டம் (Sovereign Gold Bond) தங்கம் வாங்க அல்லது தங்கத்தில் முதலீடு செய்ய திட்டமிடுபவர்களுக்கு நல்ல வாய்ப்பு ஆகும். தங்கம் வாங்க விரும்புபவர்களுக்கு நல்ல செய்தியாக, சந்தையை விட குறைந்த விலையில் தங்கத்தைப் பெறலாம். இது குறித்த தகவலை இந்திய ரிசர்வ் வங்கி தெரிவித்துள்ளது. நீங்கள் எப்போது சவரன் தங்கப் பத்திரத்தை மலிவாக வாங்கலாம் மற்றும் எந்த விலையில் தங்கத்தைப் பெறுவீர்கள் என்ற விவரங்கள் இதோ

தங்கத்தை முதலீட்டு நோக்கில் மட்டும் வாங்க மட்டுமே விரும்புபவர்களுக்காக, தங்கப் பத்திரத் திட்டத்தை 2015 ஆம் ஆண்டு மத்திய அரசு அறிமுகப்படுத்தியது. மற்ற தங்க முதலீட்டு விருப்பங்களை விட, தங்கப் பத்திரங்கள் பல நன்மைகளைக் கொண்டுள்ளன. மூலதன மதிப்பீட்டிற்கு கூடுதலாக மூலதன ஆதாயங்களுக்கு 2.5% வட்டியை SGB எனப்படும் தங்க பத்திர முதலீடு திட்டம் வழங்குகின்றது. மேலும் பணத்தை 8 ஆண்டுகள் முதலீடு செய்தால், மூலதன ஆதாய வரி இல்லை.

SGBகள் பரிமாற்றங்களில் வர்த்தகம் செய்யப்படுகின்றன. இதில் இந்திய அரசின் உத்தரவாதம் காரணமாக ஆபத்து இல்லை. மூலதன ஆதாய வரி விலக்கில் இருந்து பயனடைய, நிபுணர்கள் முதலீட்டாளர்களை குறைந்தபட்சம் 8 ஆண்டுகளுக்கு முதலீடு செய்ய ஊக்குவிக்கின்றனர். நீங்கள் ஒரு தங்கப் பத்திரத்தை முதிர்ச்சியடைவதற்கு முன் இரண்டாம் நிலை சந்தையில் விற்றால், 20% மூலதன ஆதாய வரியைச் செலுத்துவீர்கள். SGB மூன்று ஆண்டுகளுக்குப் பிறகு அல்லது அதற்குப் பிறகு விற்கப்பட்டால், வாங்குபவர்களுக்கு குறியீட்டுப் பலன்களை வழங்குகிறது. ஆனால் அது மூன்று ஆண்டுகளுக்கு முன்பு விற்கப்பட்டால், அதுவும் சிறிய வரி விகிதங்களுக்கு உட்பட்டது. SGB வட்டியானது ஒரு வருடத்திற்கு 2.50 சதவிகிதம் என்ற நிலையான விகிதத்தில் பெயரளவு மதிப்பில் அரை ஆண்டுக்கு செலுத்தப்படும் என்பது குறிப்பிடத்தக்கது.

இதனிடையே சவரன் தங்கப் பத்திரத்தின் அடுத்த தவணைக்கான வெளியீட்டு விலை கிராமுக்கு ரூ.5,923 ஆக நிர்ணயம் செய்யப்பட்டுள்ளதாக இந்திய ரிசர்வ் வங்கி வெள்ளிக்கிழமை தெரிவித்துள்ளது. இந்த தங்கப் பத்திரத்தின் விற்பனை செப்டம்பர் 11 முதல் தொடங்கும் என்று ரிசர்வ் வங்கி தெரிவித்துள்ளது. நடப்பு நிதியாண்டிற்கான SGB இன் இரண்டாவது தவணை இதுவாகும். 999 தூய்மையான தங்கத்திற்கான SGB இன் விலை, ஒரு கிராமுக்கு ரூ.5,923 என்று ரிசர்வ் வங்கி (RBI) ஒரு அறிக்கையில் தெரிவித்துள்ளது

தங்கப் பத்திர திட்டத்தின் முக்கிய அம்சங்கள் என்ன தெரியுமா?:

குடியுரிமை பெற்ற தனிநபர்கள், இந்து பிரிக்கப்படாத குடும்பம், அறக்கட்டளைகள், பல்கலைக்கழகங்கள் மற்றும் தொண்டு நிறுவனங்கள் மட்டுமே சாவரின் தங்கப் பத்திரங்களை வாங்க முடியும்.

பத்திரங்கள்: ஒரு கிராம் அடிப்படை அலகு கொண்ட தங்கத்தின் கிராம் மடங்குகளில் பத்திரங்கள் வழங்கப்படுகின்றன.

காலம்: வட்டி செலுத்தப்படும் தேதியில் செயல்படுத்தப்படும் 5வது வருடத்துக்குப் பிறகு முன்கூட்டியே மீட்டெடுப்பதற்கான விருப்பத்துடன் பத்திரங்களின் எட்டு ஆண்டுகள் வைத்திருக்கும் காலம் உள்ளது.

வாங்குபவர்களுக்கான குறைந்தபட்ச மற்றும் அதிகபட்ச வரம்பு:

ஒரு நபர் குறைந்தபட்சம் 1 கிராம் தங்கத்தை, தங்கப் பத்திரமாக வாங்கலாம், அதே நேரத்தில் அதிகபட்ச வரம்பு தனிநபர்களுக்கு 4 கிலோ, அறக்கட்டளைகள் மற்றும் ஒத்த நிறுவனங்களுக்கு நிதியாண்டில் 20 கிலோ என வழங்கப்படும்.

மீட்பின் விலை: 99.90% தூய்மையான தங்கத்தின் இறுதி விலையின் எளிய சராசரியின் அடிப்படையில், இந்திய ரூபாயில் மீட்பு விலை இருக்கும்.

வட்டி விகிதம்: முதலீட்டாளர்களுக்கு ஆண்டுக்கு 2.50 சதவீதம் என்ற நிலையான விகிதத்தில் பெயரளவு மதிப்பில் அரை ஆண்டுக்கு ஒரு முறை செலுத்தப்படும்.

KYC விதிமுறைகள்: உங்கள் வாடிக்கையாளரைத் தெரிந்துகொள்ளும் விதிமுறைகள் அவசியம் சமர்ப்பிக்க வேண்டும்.

இணை: பத்திரங்களை கடனுக்கான பிணையமாகப் பயன்படுத்தலாம்.

வரி: வருமான வரிச் சட்டம், 1961(43இன் 1961) விதியின்படி, SGB கள் மீதான வட்டிக்கு வரி விதிக்கப்படும். ஒரு தனிநபருக்கு பத்திரங்களை மீட்டெடுப்பதில் கிடைக்கும் மூலதன ஆதாயத்துக்கு வரி விலக்கு அளிக்கப்படுகிறது. எஸ்ஜிபியை மாற்றும்போது எந்தவொரு நபருக்கும் ஏற்படும் நீண்ட கால மூலதன ஆதாயங்களுக்கு குறியீட்டு நன்மைகள் வழங்கப்படும். SGBகள் வர்த்தகத்துக்கு தகுதியுடையதாக இருக்கும்.

எங்கே வாங்கலாம்?

பத்திரங்கள் வங்கிகள், ஸ்டாக் ஹோல்டிங் கார்ப்பரேஷன் ஆஃப் இந்தியா லிமிடெட், நியமிக்கப்பட்ட தபால் நிலையங்கள் மற்றும் அங்கீகரிக்கப்பட்ட பங்குச் சந்தைகளான பிஎஸ்இ மற்றும் என்எஸ்இ மூலம் விற்கப்படும்.